വാഷിംഗ്ടൺ: വാഹനാപകടത്തെ തുടർന്ന് ഗുരുതരാവസ്ഥയിലായ മഹാരാഷ്ട്ര സ്വദേശി നീലം ഷിന്ഡെയെ (35) കാണാൻ കുടുംബം യുഎസിൽ എത്തി. കാലിഫോർണിയയിലെ ആശുപത്രിയിൽ ചികിത്സയിൽ കഴിയുന്ന മകളെ കാണാനാണ് പിതാവടക്കം കുടുംബം എത്തിയത്.ഫെബ്രുവരി 14ന് അമേരിക്കയിൽ വെച്ച് വാഹനമിടിച്ചതിനെ തുടർന്ന് നീലം ഷിന്ഡെ കോമയിലായിരുന്നു. ഇന്ത്യയിൽ താമസിക്കുന്ന കുടുംബം അപകടവിവരം ഫെബ്രുവരി 16ന് അറിയുകയായിരുന്നു. അതേസമയം, ന്യൂനകാല വിസ ലഭ്യമാക്കുന്നതിനായി കുടുംബം സർക്കാർ തലത്തിൽ ഇടപെടലിനായി നിരന്തരമായി ശ്രമിച്ചു.ദിവസങ്ങൾ നീണ്ട അഭ്യർത്ഥനയ്ക്ക് പിന്നാലെ കേന്ദ്ര സർക്കാരിന്റെ ഇടപെടലോടെ യുഎസ് അനുകൂല നിലപാട് സ്വീകരിക്കുകയും അടിയന്തര വീസ അനുവദിക്കുകയുമായിരുന്നു. ഇതോടെ പിതാവടക്കം അമ്മാവനും മറ്റ് ബന്ധുക്കളുമടങ്ങിയ കുടുംബം യുഎസിൽ എത്തി.നിലവിൽ നീലം ഷിന്ഡെ ഗുരുതരാവസ്ഥയിൽ തുടരുകയാണെന്ന് ആശുപത്രി അധികൃതർ അറിയിച്ചു.
