സെന്റ് മറിയം ത്രേസ്യാ സിറോ മലബാർ മിഷനിൽ തിരൂസ്വരൂപവും തിരുശേഷിപ്പും പ്രതിഷ്ഠിച്ചു

ഫ്രിസ്കോ: നോർത്ത് ഡാലസിൽ കഴിഞ്ഞ വർഷം പുതുതായി സ്ഥാപിതമായ സെന്റ് മറിയം ത്രേസ്യാ സിറോ മലബാർ മിഷനിൽ കേരളത്തിൽ നിന്ന് കൊണ്ടുവന്ന വിശുദ്ധ മറിയം ത്രേസ്യായുടെ തിരൂസ്വരൂപം പ്രതിഷ്ഠിച്ചു.മാർച്ച് 2-ന് ഫ്രിസ്കോ സെന്റ് മറിയം ത്രേസ്യാ സിറോ മലബാർ മിഷനിൽ നടന്ന ചടങ്ങുകൾക്ക് ഷിക്കാഗോ സിറോ മലബാർ രൂപതാ മെത്രാൻ മാർ ജോയ് ആലപ്പാട്ട് കുർബാനക്കും തിരൂസ്വരൂപ പ്രതിഷ്ഠാ കർമ്മങ്ങൾക്കും قيന്ത്രനം നൽകി. മിഷന്റെ ഡയറക്ടറുമായ ഫാ. മാത്യൂസ് കുര്യൻ മുഞ്ഞനാട്ട്, സെന്റ് അൽഫോൻസാ ഇടവക അസിസ്റ്റന്റ് വികാരി ഫാ. ജിമ്മി എടക്കുളത്തൂർ എന്നിവർ സഹകാർമ്മികരായിരുന്നു.തിരൂസ്വരൂപം പ്രതിഷ്ഠിച്ചതിന് ശേഷം കേരളത്തിലെ കുഴിക്കാട്ടുശേരിയിൽ നിന്ന് കൊണ്ടുവന്ന തിരുശേഷിപ്പിന്റെ വണക്കവും നടന്നു. ഞായറാഴ്ച രാവിലെ മിഷന്റെ മാതൃദേവാലയമായ കൊപ്പേൽ സെന്റ് അൽഫോൻസാ ദേവാലയത്തിൽ കുർബാനക്ക് ശേഷം മറിയം ത്രേസ്യായുടെ തിരൂസ്വരൂപത്തിന്റെ എഴുന്നെള്ളിപ്പും തിരുശേഷിപ്പിന്റെ വണക്കവും നടന്നു.മാതൃ ഇടവകയിൽ നിന്ന് വിശ്വാസികൾ ആഹ്ലാദപൂർവ്വം സ്വീകരിച്ച തിരൂസ്വരൂപം, ഫാ. ജിമ്മി എടക്കുളത്തൂരിന്റെ നേതൃത്വത്തിൽ അമേരിക്കയിലെത്തുകയായിരുന്നു.ചടങ്ങുകൾക്ക് സെന്റ് മറിയം ത്രേസ്യാ സിറോ മലബാർ മിഷൻ ട്രസ്റ്റിമാരായ റെനോ അലക്സ്, ബോസ് ഫിലിപ്പ്, വിനു ആലപ്പാട്ട് (ഫെയ്ത്ത് ഫോർമേഷൻ), റോയ് വർഗീസ് (അക്കൗണ്ടന്റ്), കൊപ്പേൽ സെന്റ് അൽഫോൻസാ ഇടവക ട്രസ്റ്റിമാരായ റോബിൻ കുര്യൻ, ജോഷി കുര്യാക്കോസ്, റോബിൻ ചിറയത്ത്, രഞ്ജിത്ത് തലക്കോട്ടൂർ, സെബാസ്റ്റ്യൻ പോൾ (സെക്രട്ടറി) എന്നിവർ നേതൃത്വം നൽകി.