ആക്സിയം സ്‌പേസിന്റെ പുതിയ സിഇഒ ആയി തെജ്പോൾ ഭാട്ടിയ
ഹൂസ്റ്റൺ, ടെക്സസ്: ആഗോള ബഹിരാകാശ രംഗത്ത് ശ്രദ്ധേയമായ വളർച്ച കൈവരിച്ച ആക്സിയം സ്പേസ് കമ്പനി പുതിയൊരു അധ്യായത്തിലേക്ക് കടക്കുകയാണ്. കമ്പനിയ്ക്ക് നാലുവർഷമായി ചീഫ് റവന്യൂ ഓഫീസറായി സേവനമനുഷ്ഠിച്ചിരുന്ന തെജ്പോൾ ഭാട്ടിയയെ പുതിയ ചീഫ് എക്സിക്യൂട്ടീവ് ഓഫീസറായി ഏപ്രിൽ 25ന് നിയമിച്ചു. ബഹിരാകാശ യാത്രകളും ഓർബിറ്റൽ അടിസ്ഥാന സൗകര്യവികസനവും ലക്ഷ്യമിടുന്ന ആക്സിയം, ഭാവിയിലെ ബഹിരാകാശ വികസനങ്ങൾക്ക് മികവുറ്റ നേതൃത്വമായി ഭാട്ടിയയെ കാണുന്നു.
ബഹിരാകാശപര്യവേക്ഷണം ഭാട്ടിയയ്ക്ക് ബാല്യത്തിലേ മുതൽ പ്രചോദനമായിരുന്നു. ആ ആഗ്രഹം ആക്സിയത്തിന്റെ മികച്ച തലത്തിലേക്ക് നയിക്കാനാണ് ഇപ്പോൾ വഴി വക്കുന്നത്. സ്പേസ് സ്യൂട്ടുകൾ, ഓർബിറ്റൽ ഇൻഫ്രാസ്ട്രക്ചർ, മൈക്രോഗ്രാവിറ്റി ഗവേഷണം, ബഹിരാകാശത്തിൽ നിർമ്മാണം തുടങ്ങിയ മേഖലകളിൽ നിക്ഷേപം വർധിപ്പിക്കുകയാണ് ഭറ്റിയയുടെ നേതൃത്വത്തിലുള്ള ആക്സിയം. ഈ ദൗത്യത്തിന് വേണ്ടിയുള്ള വിദഗ്ധരെ കണ്ടെത്താനും ടീമിനെ ശക്തിപ്പെടുത്താനും അദ്ദേഹം ശ്രമിക്കുന്നു.
കൊളംബിയ യൂണിവേഴ്‌സിറ്റിയിൽ നിന്ന് കമ്പ്യൂട്ടർ സയൻസിൽ ബിരുദം നേടിയ ഭാട്ടിയ, ഗൂഗിളിൽ ഉൾപ്പെടെ വിവിധ അന്താരാഷ്ട്ര ഭാഗങ്ങളിൽ ഡിജിറ്റൽ വികാസത്തിന് നേതൃത്വം നൽകി. യുഎസ്, മെക്സിക്കോ, ബ്രസീൽ, യൂറോപ്പ് എന്നിവിടങ്ങളിൽ അദ്ദേഹത്തിന്റെ പ്രവർത്തനം ശ്രദ്ധേയമായിരുന്നു. കൂടാതെ മേക്ക്-എ-വിഷ് ഫൗണ്ടേഷൻ, സ്റ്റാർട്ടപ്പ് ലീഡർഷിപ്പ് പ്രോഗ്രാം പോലുള്ള ലാഭേച്ഛയില്ലാത്ത സ്ഥാപനങ്ങളിൽ അദ്ദേഹത്തിന് നിർണായക റോളുകളുണ്ടായിരുന്നു.
തന്റെ പുതിയ ചുമതലയിൽ ആക്സിയം സ്‌പേസിന്റെ നേട്ടങ്ങൾ തുടർച്ചയായി ഉയർത്തി കൊണ്ടുപോകാൻ കഴിയുമെന്ന ആത്മവിശ്വാസത്തിലാണ് തെജ്പോൾ ഭട്ടിയ. മനുഷ്യ ബഹിരാകാശ യാത്രയുടെ ഭാവി നിർണ്ണയിക്കുന്ന ഘട്ടത്തിൽ, ആക്സിയത്തിന്റെ നേതൃത്വം ഏറ്റെടുക്കുന്നത് അദ്ദേഹത്തിന് ജീവിതത്തിലെ വലിയ കഴിവിന്റെയും പ്രതിബദ്ധതയുടെയും തെളിവാണ്.
ഇതിലൂടെ ആക്സിയം സ്പേസ് കമ്പനി ബഹിരാകാശ മേഖലയിലെ അതിന്റെ നിലപാട് കൂടുതൽ ബലപ്പെടുത്തും എന്നത് ഉറപ്പാണ്.
