പ്രവാസികളുടെ ആവശ്യം നേരില്‍ക്കേള്‍ക്കാന്‍ ഇന്ത്യന്‍ എംബസിയുടെ ഓപണ്‍ ഹൗസ് 29ന് ദോഹയില്‍
ദോഹ : ഖത്തറില്‍ താമസിക്കുന്ന ഇന്ത്യന്‍ പ്രവാസികളുടെ പ്രശ്‌നങ്ങള്‍ നേരിട്ട് കേള്‍ക്കാനും അതിന് പരിഹാരങ്ങള്‍ നിര്‍ദേശിക്കാനും ഇന്ത്യന്‍ എംബസി ഈ മാസം 29ന് ഓപണ്‍ ഹൗസ് സംഘടിപ്പിക്കുന്നു. അന്നേ ദിവസം വ്യാഴാഴ്ച ഉച്ചയ്ക്ക് രണ്ട് മണിമുതല്‍ മൂന്നുവരെ റജിസ്ട്രേഷന്‍ പ്രക്രിയ നടക്കും. തുടര്‍ന്ന് വൈകിട്ട് മൂന്ന് മുതല്‍ അഞ്ചുവരെ ദോഹയിലെ ഇന്ത്യന്‍ എംബസിയില്‍ നേരിട്ട് ഹാജരായി യോഗത്തില്‍ പങ്കെടുക്കാം.
പ്രതിമാസം നടപ്പാക്കുന്ന ഈ ഓപണ്‍ ഹൗസിന് അംബാസിഡര്‍ വിപുല്‍ തന്നെ നേതൃത്വം നല്‍കും. പ്രവാസികള്‍ നേരിടുന്ന തൊഴില്‍, താമസ, നിയമ സംബന്ധമായ വിവിധ പ്രശ്‌നങ്ങള്‍ അംബാസിഡറോട് നേരിട്ട് അവതരിപ്പിക്കാനും താത്കാലികമായും ദീര്‍ഘകാലപരമായും പരിഹാര മാര്‍ഗങ്ങള്‍ തേടാനും ഈ യോഗം അവസരം സൃഷ്ടിക്കും.
പങ്കെടുക്കാന്‍ ആഗ്രഹിക്കുന്നവര്‍ക്ക് [email protected] എന്ന ഇമെയില്‍ വിലാസത്തിലേക്ക് അപേക്ഷ അയയ്ക്കുകയോ, അല്ലെങ്കില്‍ +974 55097295 എന്ന ഫോണ്‍ നമ്പറില്‍ ബന്ധപ്പെടുകയോ ചെയ്യാം. എല്ലാം കൈവിട്ടതുപോലെ തോന്നുന്ന സാഹചര്യമാകുമ്പോഴും ഇത്തരം യോഗങ്ങള്‍ ആശ്വാസവും പ്രതീക്ഷയും നല്‍കുന്നവയാണ് എന്ന് പലരും വിലയിരുത്തുന്നു.
