ടെക്സാസിൽ വാഹനപരിശോധനയ്ക്കിടെ 20 പൗണ്ട് കൊക്കെയ്ൻ പിടികൂടി

ടെക്സാസ് :ടെക്സാസിലെ പാൻഹാൻഡിലിന് സമീപം നടത്തിയ വാഹനപരിശോധനയ്ക്കിടെ കാറിന്റെ ഡാഷ്‌ബോർഡിൽ ഒളിപ്പിച്ച നിലയിൽ 20 പൗണ്ട് (ഏകദേശം 9 കിലോ) കൊക്കെയ്ൻ പിടികൂടി.  തിങ്കളാഴ്ച രാത്രി ഐ-40 ഹൈവേയിലാണ് സംഭവം.

മറ്റൊരു ട്രക്കിൽ കയറ്റി കൊണ്ടുപോവുകയായിരുന്ന വാഹനത്തിന്റെ ഡാഷ്‌ബോർഡിലെ രഹസ്യ അറയിലാണ് മയക്കുമരുന്ന് സൂക്ഷിച്ചിരുന്നത്.

കാലിഫോർണിയയിൽ നിന്ന് നോർത്ത് കരോലിനയിലേക്ക് മയക്കുമരുന്ന് കടത്തുകയായിരുന്നുവെന്ന് അന്വേഷണ ഉദ്യോഗസ്ഥർ കരുതുന്നു.

സംഭവത്തിൽ ഇതുവരെ അറസ്റ്റുകളൊന്നും രേഖപ്പെടുത്തിയിട്ടില്ല. ടെക്സാസ് പബ്ലിക് സേഫ്റ്റി ഡിപ്പാർട്ട്മെന്റ് അന്വേഷണം തുടരുകയാണ്.

പി പി ചെറിയാൻ