മറ്റു വാഹനങ്ങളെ വെട്ടിച്ചും ചെളിക്കുഴികളിലും ബൈക്ക് ഓടിച്ച് അഭ്യാസം കാണിക്കുന്നവര് റോബി മാഡിസന്റെ പ്രകടനം കാണുക. റോബി ബൈക്ക് ഓടിച്ചത് വിശാലമായ സമുദ്രത്തിലൂടെ.
ശാന്തസമുദ്രത്തിലെ താഹിതി ദ്വീപിലായിരുന്നു റോബിയുടെ അഭ്യാസ പ്രകടനം. ജലകായിക വിനോദങ്ങള്ക്ക് പേരുകേട്ട ഇടമാണിത്. കടലോരത്തും കടലിലും ആനന്ദിക്കാന് എത്തിയവര്, നീന്തിക്കളിക്കുന്നവര്, വഞ്ചി തുഴയുന്നവര്, ഇവര്ക്കെല്ലാം ഇടയിലേക്കാണ് റോബി മാഡിസന് ബൈക്ക് ഓടിച്ചു കയറ്റിയത്.
ഓസ്ട്രേലിയന് ഡര്ട്ട് ബൈക്ക് അഭ്യാസിയായ റോബിയുടെ ഈ വീഡിയോ സാമൂഹിക മാധ്യമങ്ങളില് വന് ഹിറ്റായിരിക്കുകയാണ്. ബൈക്ക് ടയറിന് ഇരുവശത്തും സര്ഫിങ് ബോര്ഡുകളും ഘടിപ്പിച്ചായിരുന്നു റോബിയുടെ ജലയാത്ര. യു ട്യൂബില് മാത്രം രണ്ടുദിവസം കൊണ്ട് ഈ വിഡിയോ കണ്ടത് 26 ലക്ഷം പേരാണ്.