ഡൽഹി: ഇന്ത്യൻ നാവികസേനയുടെ നിരീക്ഷണ ശേഷി വർധിപ്പിക്കാൻ കേന്ദ്ര സർക്കാർ വീണ്ടും യു.എസ്.യിൽ നിന്ന് പി-81 സമുദ്ര പട്രോളിംഗ് വിമാനങ്ങൾ വാങ്ങാൻ നീക്കം നടത്തുന്നുവെന്ന് റിപ്പോർട്ട്.മൂന്നു വർഷം മുമ്പ് നിർത്തിവച്ച ആറ് പി-81 വിമാനങ്ങൾ വാങ്ങുന്നതിനുള്ള കരാർ വീണ്ടും പുനരുജ്ജീവിപ്പിക്കുമെന്നാണ് സൂചന. ഇന്ത്യ ന്യായമായ വില ഉറപ്പാക്കാൻ അമേരിക്കയുമായി ചർച്ച നടത്തുന്നതിനിടയിലാണ് ഈ വാർത്ത പുറത്തുവരുന്നത്.ഇപ്പോൾ 12 പി-81 വിമാനങ്ങൾ ഇന്ത്യൻ മഹാസമുദ്രത്തിൽ സേവനം അനുഷ്ഠിക്കുകയാണ്. മൾട്ടിപ്പിൾ-മോഡ് റഡാറുകളും ഇലക്ട്രോ-ഒപ്റ്റിക് സെൻസറുകളും ഉൾപ്പെടുത്തിയിരിക്കുന്ന ഈ വിമാനങ്ങൾ ശത്രു അന്തർവാഹിനികളും യുദ്ധക്കപ്പലുകളും വെറുതെ വിടാതെ വേട്ടയാടാനും നശിപ്പിക്കാനുമുള്ള കഴിവ് കൈവഹിക്കുന്നു.2021-ൽ അമേരിക്കൻ സ്റ്റേറ്റ് ഡിപ്പാർട്ട്മെന്റ് 2.4 ബില്യൺ ഡോളർ വിലമതിക്കുന്ന കരാർ പ്രഖ്യാപിച്ചിരുന്നെങ്കിലും അപ്പോൾ ഇത് മുന്നോട്ട് പോയില്ല. എന്നാൽ ചൈനീസ് നാവിക സാന്നിധ്യം വർധിക്കുന്ന പശ്ചാത്തലത്തിൽ, പ്രതിരോധ ശേഷി മെച്ചപ്പെടുത്തുന്നതിനായി ഇന്ത്യ വീണ്ടും ഈ കരാർ പൂർത്തിയാക്കാൻ തയ്യാറെടുക്കുകയാണ്.
