CrimeKeralaLatest News
ഹോട്ടലില്‍ കയറി അതിക്രമം നടത്തിയെന്ന പരാതിയില്‍ പള്‍സര്‍ സുനിക്കെതിരെ കേസെടുത്ത് പൊലീസ്.
കൊച്ചി: നടിയെ ആക്രമിച്ച കേസിലെ പ്രതിയായ പൾസർ സുനി എറണാകുളം രായമംഗലം ഹോട്ടലിൽ കയറി അതിക്രമം നടത്തി. ഭക്ഷണം വൈകിയെന്നാരോപിച്ച് ജീവനക്കാരോട് അസഭ്യം പറഞ്ഞ സുനി, ഹോട്ടലിലെ ചില്ല് ഗ്ലാസുകൾ തകർത്തതായി റിപ്പോർട്ട്. ജീവനക്കാരെ കൊല്ലുമെന്ന് ഭീഷണിപ്പെടുത്തിയെന്നും വിവരമുണ്ട്.
ഇന്നലെ രാത്രി 8.30ഓടെയായിരുന്നു സംഭവം. സംഭവവുമായി ബന്ധപ്പെട്ട് കുറുപ്പുപടി പൊലീസ് കേസെടുത്തിട്ടുണ്ട്. ഹോട്ടലിൽ ഭക്ഷണം ലഭിക്കാൻ വൈകിയതിനെ തുടർന്ന് സുനി ആക്രമം നടത്തിയെന്നാണ് എഫ്ഐആർ രേഖപ്പെടുത്തിയത്.
നടിയെ ആക്രമിച്ച കേസിൽ കർശന ജാമ്യ വ്യവസ്ഥകളോടെ ജയിലിൽ നിന്ന് പുറത്തിറങ്ങിയതിന് പിന്നാലെയാണ് പൾസർ സുനി വീണ്ടും കേസിൽ പ്രതിയാകുന്നത്.
