റാഗിങ്: ഒരു നവതരുണ്യക്കുറ്റം – കേരളം കണ്ണുപൊത്തിയ ക്രൂരത
കോട്ടയം: ഗവ. നഴ്‌സിങ് കോളേജിലെ റാഗിങ് കേസില്‍ പ്രതികളുടെ ജാമ്യാപേക്ഷയില്‍ ഇന്ന് വിധി പറയും. കോട്ടയം ജില്ലാ സെഷന്‍സ് കോടതിയാണ് വിധി പുറപ്പെടുവിക്കുന്നത്. കേസിലെ പ്രതികളായ സാമുവല്‍ ജോണ്‍സണ്‍, രാഹുല്‍ രാജ്, എസ്എന്‍ ജീവ, എന്‍.വി. വിവേക്, റിജില്‍ ജിത്ത് എന്നിവരുടെ ജാമ്യാപേക്ഷയില്‍ ഇന്നലെ വാദം പൂര്‍ത്തിയായി.
മൂന്നാംവര്‍ഷ നഴ്‌സിങ് വിദ്യാര്‍ഥികള്‍ ഒന്നാംവര്‍ഷ വിദ്യാര്‍ഥികളെ ക്രൂരമായി ഉപദ്രവിച്ചതായാണ് പരാതി. മൂന്നുമാസത്തോളം നീണ്ടു നിന്ന രാഗിങിന്റെ ഭാഗമായി, പിറന്നാള്‍ ആഘോഷ ചെലവില്‍ പങ്കെടുക്കാത്തതിനാല്‍ ഇരയായ വിദ്യാര്‍ഥിയോട് പ്രതികള്‍ പണം ആവശ്യപ്പെട്ടു. എതിർപ്പ് പ്രകടിപ്പിച്ചതിനാൽ, കട്ടിലില്‍ കെട്ടിയിട്ട് കോമ്പസ് ഉപയോഗിച്ച് കുത്തി പരിക്കേല്‍പ്പിച്ചെന്നാണ് പൊലീസ് കണ്ടെത്തിയത്.
പോലീസിന് ലഭിച്ച ദൃശ്യങ്ങളില്‍ പ്രതികള്‍ തന്നെ ഈ ക്രൂരത ചിത്രീകരിച്ചതായി വ്യക്തമാകുന്നു. ടോയ്‌ലെറ്റ് ക്ലീനര്‍ മുറിവില്‍ പുരട്ടിയതും, മുഖത്തും തലയിലും വിവിധ ക്രീമുകള്‍ തേച്ചതും, സ്വകാര്യഭാഗത്ത് ഡംബല്‍ ഉപയോഗിച്ച് ആക്രമിച്ചതും ദൃശ്യങ്ങളില്‍ ഉള്‍പ്പെടുന്നു.
പ്രതിഭാഗം പ്രതികളുടെ പ്രായം പരിഗണിച്ച് ജാമ്യം അനുവദിക്കണമെന്ന നിലപാട് സ്വീകരിച്ചിരിക്കുമ്പോള്‍, ഈ കേസിന് സമൂഹത്തോടുള്ള ഒരു വലിയ മുന്നറിയിപ്പായി മാറുകയാണ്.
പുതിയ തലമുറയോട് ഒരു സന്ദേശം
റാഗിങ് എന്നത് ഒരു വിനോദമല്ല, അതൊരു കുറ്റകൃത്യമാണ്. വിദ്യാർത്ഥികളായി നമ്മുടെ ജീവിതം ഉജ്ജ്വലമായ ഭാവിക്കായി തയ്യാറാകുന്നതിനുള്ളതാണ്, മറ്റുള്ളവരെ ഉപദ്രവിക്കാൻ അല്ല. ഒരിക്കലും ഈ തെറ്റിന് വഴങ്ങരുത്, മറ്റ് സഹപാഠികളുടെ മാനസികവും ശാരീരികവുമായ സംരക്ഷണം ഉറപ്പാക്കുക.
