IndiaLatest NewsLifeStyleNewsOther CountriesSportsUAE

207 റൺസ് ജയം അല്ലെങ്കിൽ 11.1 ഓവറിൽ ഇം​ഗ്ലണ്ട് കളി തീർക്കണം; അഫ്ഗാന്റെ സെമി സാധ്യതകൾ നിർഭാഗ്യപൂർവം നിലനിൽക്കുന്നു

ലാഹോർ: ചാമ്പ്യൻസ് ട്രോഫിയിൽ വെള്ളിയാഴ്ച നടന്ന ഓസ്‌ട്രേലിയ-അഫ്ഗാനിസ്ഥാൻ മത്സരം മഴ മൂലം ഉപേക്ഷിച്ചതോടെ ഗ്രൂപ്പ് ബി-യിൽ നിന്ന് ഓസീസ് സെമിഫൈനൽ ടിക്കറ്റ് ഉറപ്പിച്ചു. എന്നാൽ ഗ്രൂപ്പിൽ നിന്ന് സെമിയിലെത്തുന്ന രണ്ടാമത്തെ ടീമിനെ അറിയാൻ ശനിയാഴ്ച വരെ കാത്തിരിക്കേണ്ടി വരും.നിലവിൽ ദക്ഷിണാഫ്രിക്കയ്ക്കും അഫ്ഗാനും മൂന്നും മൂന്നും പോയിന്റുകളാണ്. മികച്ച നെറ്റ് റൺറേറ്റിന്റെ ആധാരത്തിൽ ദക്ഷിണാഫ്രിക്ക (+2.140) രണ്ടാമതും അഫ്ഗാൻ (-0.990) മൂന്നാമതുമാണ്. ഓസ്‌ട്രേലിയ നാല് പോയിന്റുമായി സെമിയിൽ പ്രവേശിച്ചു. നേരത്തേ തന്നെ ഇംഗ്ലണ്ട് ടൂർണമെന്റിൽ നിന്ന് പുറത്ത് പോയിരുന്നു.ഇംഗ്ലണ്ട് വിജയിച്ചാൽ അഫ്ഗാന്റെ പ്രതീക്ഷ
ശനിയാഴ്ച നടക്കുന്ന ദക്ഷിണാഫ്രിക്ക-ഇംഗ്ലണ്ട് മത്സരം അഫ്ഗാന്റെ സാധ്യത നിർണ്ണായകമാകുന്നു. ദക്ഷിണാഫ്രിക്ക ജയിച്ചാൽ അവർക്കാണ് സെമി ടിക്കറ്റ്. എന്നാൽ ഇംഗ്ലണ്ട് ജയിച്ചാൽ അഫ്ഗാന്റെ സാധ്യത നിലനിൽക്കും, പക്ഷേ വലിയ മാർജിനിൽ ജയിച്ചാൽ മാത്രമേ അഫ്ഗാൻ സെമിയിൽ പ്രവേശിക്കാനാവൂ.ഇംഗ്ലണ്ട് ആദ്യം ബാറ്റ് ചെയ്താൽ 207 റൺസ് വിജയമാകണം. മറിച്ച്, ഇംഗ്ലണ്ട് രണ്ടാമത് ബാറ്റ് ചെയ്താൽ 11.1 ഓവറിനുള്ളിൽ ലക്ഷ്യം മറികടക്കണം. (ഈ കണക്കുകൾ ആദ്യ ഇന്നിംഗ്സ് സ്‌കോർ 300 ആണെന്ന കണക്കുകൂട്ടലിലാണ്).വെള്ളിയാഴ്ച നടന്ന ഓസ്‌ട്രേലിയ-അഫ്ഗാനിസ്ഥാൻ മത്സരം മഴ മൂലം ഉപേക്ഷിക്കപ്പെടുകയായിരുന്നു. അഫ്ഗാൻ ടോസ് നേടി ബാറ്റിങ് തിരഞ്ഞെടുത്ത് 273 റൺസ് അടിച്ചുപറത്തി. സെദിഖുള്ള അതാൽ, അസ്മത്തുള്ള ഒമർസായി എന്നിവരുടെ അർധസെഞ്ചുറികളാണ് ടീമിനെ മികച്ച സ്‌കോറിലേക്ക് നയിച്ചത്. മറുപടിയായി ഓസ്‌ട്രേലിയ ശക്തമായ തുടക്കം നൽകി 109/1 എന്ന നിലയിൽ നിൽക്കുമ്പോഴാണ് മഴ വില്ലനായത്. മത്സരം തുടരാനാകാതിരുന്നതിനാൽ ഇരുടീമുകളും ഓരോ പോയിന്റ് വീതം പങ്കിട്ടു.ഇപ്പോൾ, എല്ലാ കണ്ണുകളും ശനിയാഴ്ച നടക്കുന്ന ദക്ഷിണാഫ്രിക്ക-ഇംഗ്ലണ്ട് മത്സരത്തി ലേക്കാണ് ………..

Show More

Related Articles

Back to top button