“ആശ്വാസത്തിന്റെ വെളിച്ചം: മാർപാപ്പയുടെ ആരോഗ്യം മെച്ചപ്പെടുന്നു”

വത്തിക്കാൻ സിറ്റി : വിശ്വാസികളുടെ പ്രാർത്ഥനകൾക്ക് മറുപടിയായി, ഫ്രാൻസിസ് മാർപാപ്പയുടെ ആരോഗ്യനിലയിൽ പ്രതീക്ഷയുടെ കിരണങ്ങൾ തെളിയുന്നു. കഴിഞ്ഞ രാത്രിയിലുടനീളം അദ്ദേഹം സമാധാനത്തോടെ വിശ്രമിച്ചു. ഏതാനും സമയത്തേക്ക് വെന്റിലേറ്ററിന്റെ സഹായം ആവശ്യമായിരുന്നെങ്കിലും ഇന്ന് രാവിലെ അദ്ദേഹം വൈകിയാണെങ്കിലും സ്വാഭാവികമായി ഉണർന്നു.

ദിവസം മുഴുവൻ അസ്വസ്ഥതകളില്ലാതെ അദ്ദേഹം വിശ്രമിക്കുകയും ചെയ്‌തു. ആരോഗ്യസംഘം അതീവ ജാഗ്രത പാലിച്ചുകൊണ്ട് ശുശ്രൂഷ തുടരുകയാണ്. ഇരുശ്വാസകോശങ്ങളിലും അണുബാധയുള്ളതിനാൽ വൈദ്യസംഘം എല്ലാവിധ പ്രതിരോധ നടപടികളും സ്വീകരിച്ചിരിക്കുകയാണ്. മാർപാപ്പയുടെ ആരോഗ്യപുനരധിവാസം സുഗമമാകാനായി ഓക്സിജൻ തെറപ്പി തുടരുമെന്ന് ആശുപത്രി വൃത്തങ്ങൾ വ്യക്തമാക്കി.