ഞെട്ടിക്കുന്ന ദൗത്യം: ധ്രുവപഠനത്തിനായി സ്പേസ് എക്സിന്റെ സ്വകാര്യ ബഹിരാകാശ പര്യടനം
ഫ്ലോറിഡ ∙ ഭൂമിയുടെ ധ്രുവങ്ങളെയും ബഹിരാകാശ പരിസ്ഥിതിയെയും പഠിക്കുന്നതിനായി നാല് അംഗ സംഘവുമായി സ്പേസ് എക്സിന്റെ ഫാൽക്കൺ-9 ബഹിരാകാശ പേടകം ഫ്ലോറിഡയിലെ നാസയുടെ കെന്നഡി സ്പേസ് സ്‌റ്റേഷനിൽ നിന്ന് വിജയകരമായി പറന്നുയർന്നു.
ക്രിപ്റ്റോ കറൻസി സംരംഭകനായ ചുൻ വാങ്, നോർവീജിയൻ ഛായാഗ്രാഹകനും ചലച്ചിത്ര സംവിധായകനുമായ ജാനിക് ജെയ്ൻ മിക്കൽസൺ, ഇലക്ട്രിക്കൽ എൻജിനീയറിങ്ങ്, റോബോട്ടിക്സ് എന്നീ മേഖലകളിൽ ഗവേഷണം നടത്തുന്ന റാബിയ റോഗ്, ഓസ്‌ട്രേലിയൻ പര്യവേഷകനും സാഹസികനും ഗൈഡുമായ എറിക് ഫിലിപ്സ് എന്നിവരാണ് ഈ അത്യാധുനിക ദൗത്യത്തിലെ അംഗങ്ങൾ.
ഈ ദൗത്യത്തിന്റെ പ്രധാന ലക്ഷ്യം 20ൽ അധികം ശാസ്ത്ര പരീക്ഷണങ്ങളും ഗവേഷണങ്ങളുമാണ്. മൂന്നു മുതൽ അഞ്ചു ദിവസം വരെ നീളുന്ന ഈ ദൗത്യത്തിന് ശേഷം ലൊസാഞ്ചലസിൽ തിരിച്ചിറങ്ങാനാണ് സംഘത്തിന്റെ പദ്ധതി.
സ്പേസ് എക്സിന്റെ ആറാമത്തെ സ്വകാര്യ ബഹിരാകാശ ദൗത്യമായ ഇതിന്റെ വിജയകരമായ വിക്ഷേപണം ലോകവ്യാപകമായി വലിയ ശ്രദ്ധയാകർഷിക്കുന്നു. ഈ ദൗത്യത്തിലൂടെ ബഹിരാകാശ ഗവേഷണത്തിന് പുതിയ അതിരുകൾ തുറക്കപ്പെടുമെന്ന പ്രതീക്ഷയിലാണ് ശാസ്ത്രലോകം.
