പെന്ഗ്വിനുകള്ക്ക് മേലും ട്രംപിന്റെ തീരുവ! ഓസ്ട്രേലിയന് പ്രധാനമന്ത്രിയുടെ കഠിന വിമര്ശനം
വാഷിങ്ടന് ∙ മനുഷ്യന് മാത്രം അല്ല, പക്ഷികള്ക്കും ട്രംപിന്റെ തീരുവ! അമേരിക്കന് പ്രസിഡന്റ് ഡൊണാള്ഡ് ട്രംപിന്റെ പുതിയ നികുതി നയങ്ങള് പരിസ്ഥിതിയും അപരന്യായമായി ബാധിക്കുന്നുവെന്ന് വിമര്ശനം ഉയര്ന്നു.
ഇന്ത്യന് സമുദ്രത്തിലെ ജനവാസമില്ലാത്ത ഹേര്ഡ് ആന്ഡ് മക്ഡോണള്ഡ് ദ്വീപിനും 10 ശതമാനം തീരുവ ചുമത്തിയതിനെതിരെ വ്യാപക പ്രതിഷേധമാണ് ഉയരുന്നത്. പെന്ഗ്വിനുകളും മറ്റ് പക്ഷികളും മാത്രം വസിക്കുന്ന ഈ ദ്വീപ് ഓസ്ട്രേലിയയുടെ എക്സ്റ്റേണല് ടെറിട്ടറിയില് ഉള്പ്പെടുന്നതിനാല് യുഎസ് തീരുവ പട്ടികയില് ഇടം നേടി എന്നാണ് വൈറ്റ് ഹൗസ് വിശദീകരണം.
വൈറ്റ് ഹൗസ് പുറത്തിറക്കിയ പട്ടികയില് ദ്വീപിന്റെ പേരും ഉള്പ്പെട്ടതോടെ, “ഭൂമിയില് ആരും സുരക്ഷിതരല്ല” എന്നായിരുന്നു ഓസ്ട്രേലിയന് പ്രധാനമന്ത്രി ആന്തണി ആല്ബനീസിന്റെ കടുത്ത പ്രതികരണം. അന്താരാഷ്ട്ര തലത്തില് തന്നെ ട്രംപിന്റെ ഈ നീക്കത്തിനെതിരെ ശക്തമായ പ്രതികരണങ്ങളാണ് ഉയരുന്നത്.
