ന്യൂഡൽഹി: വിദേശവിദ്യാർത്ഥികൾക്കായി അമേരിക്ക പുറത്തിറക്കിയ കർശന മുന്നറിയിപ്പ് ആശങ്കയുയർത്തുന്നു. ക്ലാസുകൾ അനുമതിയില്ലാതെ മുടക്കുകയോ, പഠനം ഇടയ്ക്ക് നിർത്തുകയോ, കോഴ്സിൽനിന്ന് പിന്മാറുകയോ ചെയ്താൽ വിദ്യാർത്ഥി വീസ റദ്ദാക്കപ്പെടാമെന്നാണ് യുഎസ് അധികൃതരുടെ മുന്നറിയിപ്പ്.
ഡൽഹിയിലെ യുഎസ് എംബസി അധികൃതർ സമൂഹമാധ്യമങ്ങളിലൂടെയാണ് ഈ സന്ദേശം പൊതുജനങ്ങളിലേക്ക് എത്തിച്ചത്. സ്റ്റുഡന്റ് വിസ ഉള്ളവർ അനിയന്ത്രിതമായി ക്ലാസുകളിൽ നിന്ന് വിട്ടുനിൽക്കുന്ന സാഹചര്യം തിരിച്ചറിയുന്നതിനായാണ് ഈ നിലപാട് എടുത്തത്. ഒരു ലക്ഷത്തിനും അധികം ഇന്ത്യൻ വിദ്യാർത്ഥികൾക്ക് 2023-ൽ യുഎസ് വീസ ലഭിച്ചിരുന്നു. ഇതിൽ പലരും ഉയർന്ന വിദ്യാഭ്യാസത്തിനായി അമേരിക്കയിലെ വിവിധ യൂണിവേഴ്‌സിറ്റികളിലും കോളേജുകളിലുമാണ് ചേർന്നിരിക്കുന്നത്.
വിദ്യാർത്ഥികൾ അച്ചടക്കത്തോടെ ക്ലാസുകൾ അറ്റൻഡ് ചെയ്യുകയും നിബന്ധനകൾ പാലിക്കുകയും ചെയ്യണമെന്ന് യുഎസ് അധികൃതർ ആവർത്തിച്ചു. സ്റ്റുഡന്റ് വീസ റദ്ദായാൽ ഭാവിയിൽ വിസ ലഭിക്കാൻ വലിയ ബുദ്ധിമുട്ടുകൾ നേരിടേണ്ടിവരുമെന്നും അവർ ഓർമ്മിപ്പിച്ചു.
നിശ്ചിത മാനദണ്ഡങ്ങൾ പാലിക്കുന്നതിലൂടെ മാത്രമേ യുഎസിൽ വിദ്യാഭ്യാസം തുടര്‍ന്നുകൊണ്ടിരിക്കാൻ കഴിയുകയുള്ളുവെന്ന് വീണ്ടും ചൂണ്ടിക്കാട്ടിയാണ് ഈ കർശന മുന്നറിയിപ്പ്.
