അമേരിക്കയിലെ താഹോ തടാകത്തിനടുത്തുള്ള പർവതപ്രദേശത്തുള്ള വെള്ളച്ചാട്ടത്തില് ചാടി മൂന്ന് യാത്രികര് മരിച്ചു
കാലിഫോർണിയ : അമേരിക്കയിലെ താഹോ തടാകത്തിനടുത്തുള്ള പർവതപ്രദേശത്തുള്ള വെള്ളച്ചാട്ടത്തില് ചാടി മൂന്ന് യാത്രികര് മരിച്ചു. ഇവരുടെ മൃതദേഹങ്ങള് അധികൃതര് കണ്ടെടുത്തതായി പ്ലേസര് കൗണ്ടി ഷെരിഫ് ഓഫിസ് അറിയിച്ചു.
കഴിഞ്ഞ ബുധനാഴ്ച സോഡ സ്പ്രിംഗ്സ് എന്ന പ്രദേശത്ത് ആണ് ഈ ദാരുണ സംഭവം നടന്നത്. താഹോയുടെ വടക്കുപടിഞ്ഞാറ് ഏകദേശം 30 മൈൽ അകലെയുള്ള ഈ പ്രദേശം വളരെ ഒറ്റപ്പെട്ടതും ദുഷ്കരവുമായ പ്രദേശമാണ്.
ആറംഗങ്ങളുള്ള ഒരു യാത്രിക സംഘം ഇവിടെ ഹൈക്കിംഗിനിടയിൽ ‘റാറ്റിൽസ്നേക്ക് ഫാൾസ്’ എന്ന വെള്ളച്ചാട്ടം സമീപിച്ചു. ഇതിൽ മൂന്നുപേര് വെള്ളത്തിലേക്ക് ചാടുകയും പിന്നീട് കയറിവരാതിരിക്കുകയും ചെയ്തു. ഉച്ച കഴിഞ്ഞ് മൂന്നുമണിയോടെ മൂന്ന് പേർ കാണാതായതായി വിവരം ലഭിച്ചതിനുശേഷം ഷെരിഫ് ഓഫിസ് തിരച്ചിൽ ആരംഭിച്ചു.
ഡൈവ് ടീം ഹെലികോപ്റ്ററിലൂടെ അതിസാഹസികമായ മേഖലയിൽ എത്തിച്ചു. ശേഷിച്ച മൂന്ന് പേർ ബുധനാഴ്ച രാത്രി തന്നെ ഹെലികോപ്റ്റർ വഴി സുരക്ഷിതമായി പുറത്ത് കൊണ്ടുവന്നു.
കാറ്റിന്റെ ശക്തിയും വെള്ളത്തിലെ തിരയലിന് തടസ്സമാകുന്ന സാഹചര്യവും മൂലം വ്യാഴാഴ്ച തിരച്ചിൽ താത്കാലികമായി നിർത്തിവെക്കേണ്ടി വന്നു. പിന്നീട് കാലാവസ്ഥ മെച്ചപ്പെട്ട ഞായറാഴ്ച തിരച്ചിൽ പുനരാരംഭിക്കുകയും മൂന്ന് പേരുടെയും മൃതദേഹങ്ങൾ കണ്ടെത്തുകയും ചെയ്തു.
ഈ അപകടം സ്ഥലത്തെ ആളുകളെയും യാത്രികരെയും ഏറെ സങ്കടത്തിലാഴ്ത്തിയിരിക്കുകയാണ്.
