താരതമ്യങ്ങളില്ലാത്ത ഭീകരപ്രതികാരങ്ങൾക്കാണ് സംസാരിച്ചത്; വാക്കുകൾ വളച്ചൊടിച്ചു: ശശി തരൂർ

പാനമ : പാനമ സന്ദർശനത്തിനിടെ നടത്തിയ പ്രസംഗത്തെത്തുടർന്ന് ഉയർന്ന വിമർശനങ്ങൾക്ക് മറുപടിയുമായി കോണ്‍ഗ്രസ് എംപി ശശി തരൂർ രംഗത്തെത്തി. തന്റെ വാക്കുകൾ വളച്ചൊടിക്കപ്പെട്ടതാണെന്നും താൻ പറഞ്ഞത് അടുത്തകാലത്ത് ഇന്ത്യ നേരിട്ട ഭീകരാക്രമണങ്ങളെയും അതിനോട് ഇന്ത്യ നൽകിയ പ്രതികരണങ്ങളെയും കുറിച്ചാണെന്നുമാണ് തരൂരിന്റെ വിശദീകരണം.

“എനിക്ക് ഇതിനൊന്നും സമയമില്ല. നിയന്ത്രണ രേഖയിൽ ഇന്ത്യ നടത്തിയ വീരപ്രവർത്തികളെക്കുറിച്ച് മാത്രമാണ് ഞാൻ പരാമർശിച്ചത്. ഇന്ത്യ നേരിട്ട ഭീകരാക്രമണങ്ങൾക്കാണ് ഞാൻ പ്രതികാര നടപടികളുണ്ടായതായും, അതെല്ലാം രാജ്യാന്തര അതിർത്തിയും നിയന്ത്രണ രേഖയും മാനിച്ചായിരുന്നുവെന്നും ഞാൻ വിശദമായി വ്യക്തമാക്കിയിട്ടുണ്ട്,” എന്ന് തരൂർ പറഞ്ഞു.

മുൻകാലങ്ങളിൽ നടന്ന യുദ്ധങ്ങളെ കുറിച്ച് താൻ ഒന്നും പറഞ്ഞിട്ടില്ലെന്നും, തന്റെ വാക്കുകൾ വളച്ചൊടിച്ച് തീവ്രചിന്താഗതിയുള്ള ചിലർ വ്യാഖ്യാനിച്ചതാണെന്നും അദ്ദേഹം കുറ്റപ്പെടുത്തി. “പതിവുപോലെ, വിമർശകർ എന്റെ വാക്കുകളും വീക്ഷണങ്ങളും വളച്ചൊടിച്ചു. ഞാൻ അതെല്ലാം സ്വാഗതം ചെയ്യുന്നു. എനിക്ക് ഇനിയും ഒരുപാട് മികച്ച കാര്യങ്ങൾ ചെയ്യാനുണ്ട്,” എന്ന് തരൂർ എക്സിൽ കുറിച്ചു.

പാനമ സന്ദർശനം പൂര്‍ത്തിയാക്കി കൊളംബിയയിലേക്ക് പുറപ്പെടുന്നതിനിടെയാണ് തരൂർ ഈ പ്രതികരണവുമായി രംഗത്തെത്തിയത്.