അമേരിക്കന്‍ മക്ഡൊണാള്‍ഡ്സില്‍ 3.75 ലക്ഷം പുതിയ തൊഴില്‍ അവസരങ്ങള്‍; മെനുവിലും സേവനത്തിലും വന്‍ മാറ്റങ്ങള്‍
ന്യൂയോര്‍ക്ക്:അമേരിക്കന്‍ ഭക്ഷ്യ ഭീമനായ മക്ഡൊണാള്ഡ്സ് രാജ്യത്തുട നീളമുള്ള സേവന രംഗത്ത് വന്‍ പുനസംഘടനയ്ക്കാണ് തുടക്കം കുറിക്കുന്നത്. ഏകദേശം 3,75,000 പേര്‍ക്ക്‌ ജോലി നല്‍കുന്ന പുതിയ റിക്രൂട്ട്മെന്‍റ് പദ്ധതിയോടൊപ്പം, ഉപഭോക്തൃ അനുഭവം മെച്ചപ്പെടുത്താന്‍ മെനുവിലും സേവന രീതികളിലും വലിയ മാറ്റങ്ങളാണ് കമ്പനി കൊണ്ടുവന്നിരിക്കുന്നത്.
ചിക്കന്‍ വിഭവങ്ങളില്‍ കൂടുതല്‍ വൈവിധ്യവും ഗുണനിലവാരവുമാണ് മക്ഡൊണാള്ഡ്സ് ഇപ്പോള്‍ ലക്ഷ്യമിടുന്നത്. പുതിയതായി അവതരിപ്പിച്ച “മക്‌ ക്രിസ്പി സ്ട്രിപ്സ്‌” എന്ന ചിക്കന്‍ ഐറ്റം ക്രീമി ചിലി ഡിപ്പിനൊപ്പം നിരവധി ഉപഭോക്താക്കളുടെ ശ്രദ്ധ നേടി. ഉപഭോക്താക്കള്‍ ഏറെ കാത്തിരുന്ന ‘സ്നാക്ക് റാപ്‌’ 2025ല്‍ വീണ്ടും മക്ഡൊണാള്‍ഡ്സിന്റെ മെനുവിലേക്ക് തിരികെ വരും. മാത്രമല്ല, കുട്ടികള്‍ക്കായി പ്രത്യേകമായി ഒരുക്കുന്ന “സ്ക്വിഷ്മല്ലോ ഹാപ്പി മീല്‍സ്‌” പോലുള്ള ആകര്‍ഷക ഓഫറുകള്‍ ബിസിനസ്സിന് പുതുമയും ഉത്സാഹവും നല്‍കുന്നു.
സാമ്പത്തിക പ്രതിസന്ധികള്‍ നിലനില്‍ക്കുമ്പോഴും, കുറച്ചേറെ വിലക്കുറവുള്ള ഭക്ഷണ ഓഫറുകള്‍ കൊണ്ടുവന്ന് ഉപഭോക്താക്കളെ സന്തോഷിപ്പിക്കുകയാണ് കമ്പനി. “5 ഡോളര്‍ മീല്‍ ഡീല്‍” പോലുള്ള ഓഫറുകള്‍, ഒന്ന് വാങ്ങുമ്പോള്‍ മറ്റൊന്ന് വെറും 1 ഡോളറിന് നല്‍കുന്ന വ്യവസ്ഥകള്‍ ഇതിന് ഉദാഹരണമാണ്.
മറ്റൊരു വലിയ മാറ്റം തൊഴില്‍ രംഗത്താണ്. 2025ലെ വേനല്‍ക്കാലം കഴിഞ്ഞതിന് മുമ്പ് ഏകദേശം 3,75,000 പുതിയ ജീവനക്കാരെ നിയമിക്കാനുള്ള ലക്ഷ്യത്തോടെയാണ് മക്ഡൊണാള്ഡ്സ് മുന്നോട്ടുപോകുന്നത്. 2027 ഓടെ 900 പുതിയ റസ്റ്ററന്റുകള്‍ യു.എസ്. യിൽ തുറക്കാനുള്ള വികസന പദ്ധതി ഇതിനു പിന്നിലാണ്. പുതിയ നിയമനങ്ങള്‍ക്കൊപ്പം നിലവിലുള്ള ജീവനക്കാര്‍ക്കായി വിദ്യാഭ്യാസ സഹായം, ട്യൂഷന്‍ സപ്പോര്‍ട്ട്, കരിയര്‍ വളര്‍ച്ചക്ക് വേണ്ട ഉപദേശങ്ങള്‍ എന്നിവയുള്‍പ്പെടുത്തിയ “ആര്‍ച്ച്വേയ്സ് ടു ഓപ്പര്‍ച്യൂണിറ്റി” പദ്ധതി കമ്പനി കൂടുതല്‍ ശക്തമാക്കുകയാണ്.
മക്ഡൊണാള്‍ഡ്സിന്റെ ഈ നീക്കങ്ങള്‍ ആഗോളതലത്തില്‍ വലിയ ശ്രദ്ധ നേടുകയാണ്. അമേരിക്കന്‍ വിപണിയിലെ ഈ മാറ്റങ്ങള്‍ ഇന്ത്യയുള്‍പ്പെടെയുള്ള രാജ്യങ്ങളിലേക്കും പിന്നീടായി വ്യാപിക്കാനാണ് സാധ്യത, എന്നതില്‍ സംശയമില്ല.
