ബാലിയിൽ അഗ്നിപർവത സ്ഫോടനം; ഡൽഹിയിൽ നിന്ന് പുറപ്പെട്ട എയർ ഇന്ത്യ വിമാനം തിരികെ എത്തി
ന്യൂഡൽഹി: ഇന്തോനേഷ്യയിലെ വിനോദസഞ്ചാര കേന്ദ്രമായ ബാലിയിൽ അഗ്നിപർവത സ്ഫോടനം ഉണ്ടായതോടെ ഡൽഹിയിൽ നിന്നു രാവിലെ പുറപ്പെട്ട എയർ ഇന്ത്യയുടെ വിമാന സർവീസ് പാതിവഴിയിൽ ഉപേക്ഷിച്ച് തിരികെ പറന്നു.
വിമാനത്താവളത്തിനു സമീപം അഗ്നിപർവത സ്ഫോടനമുണ്ടായതായി അധികൃതർക്ക് വിവരം ലഭിച്ചതോടെയാണ് എഐ 2145 എന്ന വിമാനസർവീസ് യാത്ര മുടക്കി തിരികെ ഡൽഹിയിലേക്ക് തിരിച്ചറക്കിയത്. വിമാനം സുരക്ഷിതമായി ഡൽഹി വിമാനത്താവളത്തിൽ ലാൻഡ് ചെയ്തു. വിമാനത്തിലെ എല്ലാ യാത്രക്കാരെയും സുരക്ഷിതമായി പുറത്തിറക്കിയതായി എയർ ഇന്ത്യ അറിയിച്ചു.
ബാലിയിലേക്കുള്ള മറ്റ് എയർലൈൻ സർവീസുകളും സ്ഫോടനത്തെ തുടർന്ന് താൽക്കാലികമായി റദ്ദാക്കിയതായി രാജ്യാന്തര വാർത്താ ഏജൻസികൾ റിപ്പോർട്ട് ചെയ്തു. സമാനമായ അഗ്നിപർവത സ്ഫോടനങ്ങൾ മുൻകാലങ്ങളിലും ബാലിയിൽ ഉണ്ടായിട്ടുണ്ട്.
ഉണ്ടായ അസൗകര്യങ്ങൾക്കായി എയർ ഇന്ത്യ ഖേദം പ്രകടിപ്പിച്ചു. യാത്ര മുടങ്ങിയ യാത്രക്കാർക്ക് ഹോട്ടലുകളിൽ താമസ സൗകര്യം ഒരുക്കുമെന്നും, ടിക്കറ്റ് റദ്ദാക്കുന്നവർക്കു പൂർണ്ണ തുകയോ അല്ലെങ്കിൽ പകരം യാത്രാസൗകര്യങ്ങളോ നൽകുമെന്നും കമ്പനി അറിയിച്ചു.
