ഷിക്കാഗോ: ഷിക്കാഗോയിലെ ആദ്യകാല മലയാളികളിൽ ഒരാളായും ഷിക്കാഗോ മലയാളി അസോസിയേഷന്റെ മുന് പ്രസിഡന്റായും മലയാളി സമൂഹത്തിന് ശ്രദ്ധേയമായ സംഭാവനകള് നൽകിയ ജോസഫ് നെല്ലുവേലി (88) അന്തരിച്ചു. ആലപ്പുഴ വേഴപ്ര സ്വദേശിയായ ജോസഫ് നെല്ലുവേലി, അമേരിക്കന് മലയാളികളുടെ ഒത്തുചേരലുകളിലും സാമൂഹ്യ പ്രവര്ത്തനങ്ങളിലും വലിയ പങ്കാളിത്തം വഹിച്ചിട്ടുള്ളവരാണ്. അമേരിക്കയിലെ മലയാളികൾക്ക് അഭിമാനമായിരുന്ന അദ്ദേഹത്തെ ഷിക്കാഗോയിലെ നിരവധി മലയാളികള് “അപ്പച്ചായന്” എന്ന പേരിലാണ് അറിയിച്ചിരുന്നത്.
ഭാര്യ ഏലിയമ്മ ജോസഫ് (കുട്ടിയമ്മ), മകൻ ജോ ജോസഫ്, മകൾ ജാൻസി നമ്പ്യാപറമ്പിൽ (ഡോ. ജോജി നമ്പ്യാപറമ്പിൽ, നോർത്ത് കരോലിന) എന്നിവരാണ് കുടുംബാംഗങ്ങൾ.
അന്തരിച്ച ജോസഫ് നെല്ലുവേലിയുടെ വേക്ക് സർവീസ് ജൂലൈ 18-ന് വെള്ളിയാഴ്ച വൈകിട്ട് നൈൽസിലുള്ള (8025 W Golf Road, Niles, IL 60714) കൊളോണിയൽ ഫ്യൂണറൽ ഹോമിൽ നടക്കും. ശവസംസ്കാര ചടങ്ങുകൾ ശനിയാഴ്ച രാവിലെ സെന്റ് ഐസക് ജോഗ്സ് കാത്തലിക് പള്ളിയിൽ (8149 W Golf Road, Niles, IL 60714) നടക്കും.
മലയാളി സമൂഹത്തിൽ ഇടം പിടിച്ച ഒരാളുടെ വിടവാങ്ങലായി ഈ വിയോഗം കണക്കാക്കപ്പെടുന്നു.
