അമേരിക്കയിലെ ഡാളസിൽ ജോയ് മണ്ണാലക്കുടി സ്കറിയ (61) അന്തരിച്ചു

ഡാളസ്: വയനാട് പയ്യമ്പള്ളി സ്വദേശിയും ഡാളസിൽ മകൻ മിജോയുടെ കൂടെ ഹൃസ്വ സന്ദർശനത്തിനായി എത്തിയിരുന്ന ജോയ് മണ്ണാലക്കുടി സ്കറിയ (61) അപ്രതീക്ഷിതമായി അന്തരിച്ചു. കഠിനമായ നെഞ്ചുവേദന അനുഭവപ്പെട്ടതിനെ തുടർന്നാണ് അദ്ദേഹം ആശുപത്രിയിൽ പ്രവേശിപ്പിക്കപ്പെട്ടത്. മികച്ച ചികിത്സ ലഭ്യമായെങ്കിലും ജീവിതം രക്ഷിക്കാനായില്ല. ആശുപത്രിയിലായിരുന്നു അന്ത്യം.

മകൻ മിജോയെ സന്ദർശിക്കാൻ ഈ മാസം ആദ്യം അമേരിക്കയിലെത്തിയതായിരുന്നു ജോയ്. കുടുംബസമേതം കഴിഞ്ഞ കുറേ കാലമായി വിദേശത്ത് താമസിക്കുന്ന മക്കളെ സന്ദർശിക്കാൻ എത്തിയ സന്തോഷയാത്ര ദുഃഖത്തിൽ തീർന്നിരിക്കുന്നു.

ഭാര്യ: സാലി ജോയ് (കാട്ടിമൂല ഇലക്കാട്ടു കുടുംബം). മക്കൾ: മിഥു (ഖത്തർ), മിജോ (അമേരിക്ക). മരുമക്കൾ: ഷിബിൻ (ഖത്തർ), ടെസീന (അമേരിക്ക). കൊച്ചുമക്കൾ: മിഖായേൽ സ്റ്റെഫൻ, ഹെസ്ലിൻ.

സംസ്കാരം പിന്നീട് ഡാളസിലെ ഗാർലൻ്റിലുള്ള സിറോ മലബാർ കാത്തോലിക് പള്ളിയിൽ നടക്കും.