52% സഞ്ചിത വാര്ഷിക വളര്ച്ചാ നിരക്ക് രേഖപ്പെടുത്തി ആക്സിസ് മാക്സ് ലൈഫിന്റെ ഇ-കൊമേഴ്സ് ചാനല്
കൊച്ചി : ആക്സിസ് മാക്സ് ലൈഫ് ഇന്ഷുറന്സ് ലിമിറ്റഡ് രണ്ട് വര്ഷത്തിനിടെ ഇ-കൊമേഴ്സ് ചാനല് വഴിയുള്ള ബിസിനസില് 52% സഞ്ചിത വാര്ഷിക വളര്ച്ചാ നിരക്ക് (സിഎജിആര്) കൈവരിച്ചു. 2025 സാമ്പത്തിക വര്ഷത്തില് പുതിയ പോളിസികളുടെ 31ശതമാനത്തിലേറെയും, 2026 സാമ്പത്തിക വര്ഷത്തിന്റെ ആദ്യ പകുതിയില് 35%-ത്തിലധികവും ഈ ചാനലിലൂടെയായിരുന്നു വിറ്റഴിച്ചത് . കമ്പനിയുടെ ഡയറക്ട്-ടു-കണ്സ്യൂമര് വെബ്സൈറ്റ് വഴി 219 കോടി രൂപയുടെ വാര്ഷിക പ്രീമിയം നേടാനായതും വളര്ച്ചയ്ക്ക് കരുത്തായി.
ത്രീ-ക്ലിക്ക് ഡിഐവൈ ക്രോസ്-സെല്, അപ്പ്-സെല് ഓപ്ഷനുകള്, ക്രെഡിറ്റ് ബ്യൂറോകള് വഴിയുള്ള തടസ്സമില്ലാത്ത ഓണ്ബോര്ഡിംഗ്, അക്കൗണ്ട്-അഗ്രഗേഷന് ആവാസവ്യവസ്ഥയുമായുള്ള സംയോജനം തുടങ്ങിയവ ഉപഭോക്തൃ അനുഭവം മെച്ചപ്പെടുത്തുന്നതില് സുപ്രധാന പങ്ക് വഹിച്ചതായി കമ്പനി അറിയിച്ചു. എഐ സാങ്കേതികവിദ്യ ഉപയോഗപ്പെടുത്തി വോയ്സ്-ടു-ടെക്സ്റ്റ് സംവിധാനങ്ങള് പോലുള്ള നൂതന സൗകര്യങ്ങള് കൊണ്ടുവന്നത് ഓണ്ലൈന് ചാനലിന് ഏറെ ഗുണകരമായി. ഇ-കൊമേഴ്സ് ചാനലിന്റെ ഗണ്യമായ വളര്ച്ച തങ്ങളുടെ ഡിജിറ്റല് ആധിപത്യത്തിന്റെ വ്യക്തമായ സൂചനയുടെയും ഓണ്ലൈന് ഓഫറുകളില് ഉപഭോക്താക്കള് അര്പ്പിക്കുന്ന വിശ്വാസത്തിന്റെയും തെളിവാണ് എന്ന് ആക്സിസ് മാക്സ് ലൈഫിന്റെ മാനേജിംഗ് ഡയറക്ടറും ചീഫ് എക്സിക്യൂട്ടീവ് ഓഫീസറുമായ സുമിത് മദന്പറഞ്ഞു.
