കൊച്ചി ബ്രോഡ്വേയിൽ വൻ തീപിടിത്തം; പത്തിലേറെ കടകൾ കത്തിനശിച്ചു
കൊച്ചി : ബ്രോഡ്വേയിലെ കോളുത്തറ ബസാർ കെട്ടിടത്തിൽ ഉണ്ടായ തീപിടിത്തത്തിൽ പത്തിലേറെ കടകൾ കത്തിനശിച്ചു. ഫാൻസി വസ്തുക്കളും കളിപ്പാട്ടങ്ങളും വിൽക്കുന്ന കടകളിലാണ് തീ പടർന്നത്. താഴത്തെ നിലയിൽ നിന്നാണ് തീ ഉയർന്നതെന്ന് സംശയിക്കുന്നതും തുടർന്ന് മുകളിലത്തെ നിലകളിലേക്കും വ്യാപിച്ചതുമാണ്.
വിവരം ലഭിച്ചതിനെ തുടർന്ന് അഗ്നിരക്ഷാസേനയുടെ എട്ട് യൂണിറ്റുകൾ സ്ഥലത്തെത്തി ശക്തമായ പരിശ്രമത്തിലൂടെ തീ നിയന്ത്രണവിധേയമാക്കി. സമീപത്ത് മാലിന്യം കൂട്ടിയിട്ടിരുന്ന ഷെഡ്ഡിൽ നിന്നാണ് തീ പടർന്നതെന്നതാണ് പ്രാഥമിക നിഗമനം. ഏകദേശം 12 കടകളിലേക്കാണ് തീ പടർന്നത്.
തൊട്ടടുത്ത കടകളിൽ ഉണ്ടായിരുന്നവർ ഉടൻ തന്നെ അഗ്നിരക്ഷാസേനയെ വിവരം അറിയിച്ചതിനാൽ വലിയ അപകടം ഒഴിവായി. ക്രിസ്മസ്–ന്യൂ ഇയർ സീസണിലെ തിരക്കിനിടെയുണ്ടായ തീപിടിത്തം വ്യാപാരികൾക്കും പൊതുജനങ്ങൾക്കും ആശങ്കയുണ്ടാക്കിയെങ്കിലും ആരക്കും പരിക്കുകളോ ജീവഹാനിയോ സംഭവിച്ചില്ല. നിലവിൽ സ്ഥിതി പൂർണമായും നിയന്ത്രണവിധേയമാണെന്ന് അധികൃതർ അറിയിച്ചു.
