ഇന്ത്യൻ എയർഫോഴ്സ് മുൻ ഉദ്യോഗസ്ഥൻ കോമളൻ കുഞ്ഞുപിള്ള ന്യൂയോർക്കിൽ അന്തരിച്ചു
ന്യൂയോർക്ക് : റോക്ക്ലാൻഡിലെ ന്യൂ സിറ്റിയിൽ താമസിക്കുന്ന ഇന്ത്യൻ എയർഫോഴ്സ് മുൻ ഉദ്യോഗസ്ഥനും ന്യൂയോർക്ക് സിറ്റി ട്രാൻസിറ്റിൽ (സബ്വേ) സേവനം അനുഷ്ഠിച്ച് വിരമിച്ചയാളുമായ കോമളൻ കുഞ്ഞുപിള്ള (78) അന്തരിച്ചു.
ഇന്ത്യൻ എയർഫോഴ്സിൽ അഭിമാനകരമായ സേവനം അനുഷ്ഠിച്ച ശേഷം അമേരിക്കയിലെത്തി, ന്യൂയോർക്ക് സിറ്റി ട്രാൻസിറ്റിൽ ദീർഘകാലം ജോലി ചെയ്താണ് അദ്ദേഹം വിരമിച്ചത്.
ഭാര്യ രാധാമണിയും മക്കളായ റോബിയും റിക്കിയും മരുമക്കളായ മേരി ലീയും നീതുവും പേരക്കുട്ടി കെൻഡ്രിക്കും ഉൾപ്പെടുന്ന കുടുംബാംഗങ്ങളുണ്ട്.
ജനുവരി 24 ശനിയാഴ്ച രാവിലെ 9 മുതൽ ഉച്ചയ്ക്ക് 12 വരെ കോംഗേഴ്സിലെ മൈക്കൽ ജെ. ഹിഗ്ഗിൻസ് ഫ്യൂണറൽ ഹോമിൽ വേക്ക് സർവീസ് നടക്കും. തുടർന്ന് ഉച്ചയ്ക്ക് 1 മണിക്ക് ഹാർട്ട്സ്ഡെയിലിലെ ഫെർൺക്ലിഫ് സെമിത്തേരിയിൽ സംസ്കാര ചടങ്ങുകൾ നടക്കും. തുടർന്ന് യോങ്കേഴ്സിലെ കാസിൽ റോയലിൽ കുടുംബാംഗങ്ങളും സുഹൃത്തുക്കളും ഒത്തുചേരും.
