തിരുവനന്തപുരം: ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സ് എഡ്യൂക്കേഷന് ആന്ഡ് റിസര്ച്ച് (ഐസര്) കേന്ദ്രങ്ങളിലേക്ക് പ്രവേശനത്തിനുള്ള ഐസർ ആപ്റ്റിറ്റിയൂഡ് ടെസ്റ്റ് (ഐഎടി) 2026 പരീക്ഷയ്ക്ക് ഓൺലൈനായി രജിസ്റ്റർ ചെയ്യാനുള്ള അവസാന തീയതി ഏപ്രിൽ 13. താൽപ്പര്യമുള്ള ഉദ്യോഗാർത്ഥികൾക്ക് https://www.iiseradmission.in/ എന്ന വെബ്സൈറ്റ് വഴി രജിസ്റ്റർ ചെയ്യാം.
തിരുവനന്തപുരം, ബെർഹാംപൂർ, ഭോപ്പാൽ, കൊൽക്കത്ത, മൊഹാലി, പൂനെ, തിരുപ്പതി എന്നീ ഐസർ സ്ഥാപനങ്ങളിലെ ബിഎസ്-എംഎസ് (ഡ്യുവൽ ഡിഗ്രി), നാല് വർഷത്തെ ബിഎസ് ഡിഗ്രി പ്രോഗ്രാമുകളിലേക്ക് പ്രവേശനം ആഗ്രഹിക്കുന്ന ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് സന്ദർശിച്ച് ഈ അവസരം ഉപയോഗപെടുത്താവുന്നതാണ്.
ഐഎടി 2026-ലെ പ്രധാന തീയതികൾ:
● 2026 ഏപ്രിൽ 13: ആപ്ലിക്കേഷൻ പോർട്ടൽ അവസാനിക്കുന്നു
● 2026 ഏപ്രിൽ 16 മുതൽ 18 വരെ: അപേക്ഷാ ഫോമുകളിലെ തിരുത്തലുകൾ
● 2026 മെയ് 24: പരീക്ഷാ ഹാൾ ടിക്കറ്റ് പുറത്തിറക്കൽ
● 2026 ജൂൺ 7: ഐഎടി 2026 പരീക്ഷാ തീയതി (രാവിലെ 9:00 മുതൽ ഉച്ചയ്ക്ക് 12:00 വരെ)
ഇന്ത്യയിലുടനീളമുള്ള ഒന്നിലധികം കേന്ദ്രങ്ങളിൽ കമ്പ്യൂട്ടർ അധിഷ്ഠിത പരീക്ഷയായി നടത്തും. ബയോളജി, കെമിസ്ട്രി, മാത്തമാറ്റിക്സ്, ഫിസിക്സ് എന്നീ ഓരോ വിഷയത്തിനും 15 ചോദ്യങ്ങൾ വീതമുള്ള 60 ചോദ്യങ്ങൾ ഈ സമഗ്ര പരീക്ഷയിൽ ഉൾപ്പെടും. പരീക്ഷ എഴുതുന്നവർക്ക് പരീക്ഷ പൂർത്തിയാക്കാൻ ആകെ 180 മിനിറ്റ് ലഭിക്കും. എല്ലാ ചോദ്യങ്ങളും മൾട്ടിപ്പിൾ ചോയ്സ് തരത്തിലുള്ളതായിരിക്കും.ഓരോ ശരിയുത്തരത്തിനും 4 മാർക്ക് ലഭിക്കും. തെറ്റായ ഉത്തരത്തിന് 1 മാർക്ക് കുറയും. പരമാവധി മാർക്ക് 240 ആയിരിക്കും.
ഐഎടി 2026 പ്രവേശന പ്രക്രിയയിൽ ഉദ്യോഗാർത്ഥികളെ സഹായിക്കുന്നതിനായി ഹെൽപ്പ്ഡെസ്ക് (ടെലിഫോൺ: +91 7205457461 (പ്രവൃത്തി ദിവസങ്ങളിൽ ഉച്ചയ്ക്ക് 2 മുതൽ 5 വരെ); ഇമെയിൽ: askjac2026@iiserbpr.ac.in ) സ്ഥാപിച്ചിട്ടുണ്ട് .
