മിനസോട്ടയിലെ വിമാനം തകർന്നുവീണു; യാത്രക്കാർ എല്ലാവരും മരണപ്പെട്ടു
മിനസോട്ട : മിനസോട്ടയിലെ ബ്രൂക്ക്ലിൻ പാർക്കിൽ ഒരു ഒറ്റ എഞ്ചിനുള്ള ചെറിയ വിമാനം ശനിയാഴ്ച അപകടത്തിൽപ്പെട്ടു. ഐവായിലെ ഡെസ് മോയിൻസ് അന്താരാഷ്ട്ര വിമാനത്താവളത്തിൽ നിന്ന് പുറപ്പെട്ട വിമാനം മിനിയാപൊളിസിന് വടക്കെയുള്ള അനോക്ക കൗണ്ടി-ബ്ലെയ്ൻ വിമാനത്താവളത്തിലേക്ക് പോകുകയായിരുന്നുവെന്ന് ഫെഡറൽ ഏവിയേഷൻ അഡ്മിനിസ്ട്രേഷൻ (FAA) അറിയിച്ചു. അപകടത്തിൽ നിന്ന് ആരും ജീവനോടെ രക്ഷപ്പെടാനായില്ലെന്ന് ഉദ്യോഗസ്ഥർ സ്ഥിരീകരിച്ചു.
വിമാനത്താവളത്തിൽ നിന്നുള്ള റഡാർ വിവരങ്ങൾ പ്രകാരം, SOCATA TBM7 എന്ന ടർബോപ്രോപ്പ് വിമാനം ശനിയാഴ്ച ഉച്ചയ്ക്ക് 12:20 ഓടെയാണ് ബൂക്ക്ലിൻ പാർക്കിൽ വീണത്. 10:30ന് ഫ്‌ളോറിഡയിലെ നാപ്‌ളസ് നഗരത്തിൽ നിന്ന് പുറപ്പെട്ട വിമാനത്തിന്റെ അവസാന ഇടനിലവിൽ ഡെസ് മോയിൻസിലായിരുന്നു. 45 മിനിറ്റ് കഴിഞ്ഞ് വീണ്ടും പറന്നുയർന്ന വിമാനം ലക്ഷ്യസ്ഥാനത്ത് എത്തേണ്ടതായ സമയത്തിനുള്ള ആറു മിനിറ്റ് മുമ്പാണ് തകർന്നുവീണത്.
ആകെ എത്ര പേർ വിമാനത്തിൽ ഉണ്ടായിരുന്നു എന്നത് വ്യക്തമല്ലെന്ന് ബ്രൂക്ക്ലിൻ പാർക്ക് ഫയർ ചീഫ് ഷോൺ കോൺവേ മാധ്യമങ്ങളോട് പറഞ്ഞു. FAAയും എത്ര പേർ വിമാനത്തിൽ ഉണ്ടായിരുന്നു എന്ന വിവരങ്ങൾ ഇതുവരെ നൽകിയിട്ടില്ല. എന്നാൽ ഈ വിമാനത്തിൽ പൈലറ്റിനൊപ്പം അഞ്ച് പേരെ വരെ സഞ്ചരിക്കാമെന്നാണ്.
അപകടത്തെ തുടർന്ന് സമീപത്തെ ഒരു വീട് തീപിടിച്ച് കത്തിനശിച്ചുവെന്ന് റിപ്പോർട്ടുകളുണ്ട്. വീട്ടുകാർ അവധിയിലായിരുന്നതിനാൽ മറ്റ് ആളപായം ഉണ്ടായിട്ടില്ലെന്ന് അയൽവാസികൾ Star Tribune-നോട് പറഞ്ഞു. അപകടം സംബന്ധിച്ച് അന്വേഷണത്തിനായി FAAയും നാഷണൽ ട്രാൻസ്പോർട്ടേഷൻ സെഫ്റ്റി ബോർഡും (NTSB) ഒരുമിച്ച് പ്രവർത്തിക്കുമെന്ന് ഉദ്യോഗസ്ഥർ അറിയിച്ചു.
വിമാനം മിനസോട്ടയിലെ എഡിനയിലെ DGW Enterprises എന്ന സ്ഥാപനത്തിന് രജിസ്റ്റർ ചെയ്തിരുന്നതായും ഉദ്യോഗസ്ഥർ സ്ഥിരീകരിച്ചു. മിനസോട്ട ഗവർണ്ണർ ടിം വാൾസ് ദുരന്തത്തെക്കുറിച്ച് ട്വിറ്ററിലൂടെ പ്രതികരിച്ചു. “ഞങ്ങളുടെ സംഘം സ്ഥലത്തുള്ള അധികാരികളുമായി നിരന്തരമായ ബന്ധത്തിൽ തുടരുന്നു. ഈ അപകടത്തിന്റെ വിവരങ്ങൾ ഞങ്ങൾ സൂക്ഷ്മമായി നിരീക്ഷിക്കുന്നു,” ഗവർണ്ണർ പറഞ്ഞു. രക്ഷാപ്രവർത്തനത്തിന് മുന്നിട്ടിറങ്ങിയ പ്രഥമ പ്രതികരണ സേനയോട് അദ്ദേഹം നന്ദി പ്രകടിപ്പിച്ചു.
SOCATA TBM7 എന്ന വിമാനമൊരു ഫ്രഞ്ച് നിർമ്മിത ലഘു ബിസിനസ്-കോർപ്പറേറ്റ് വിമാനമാണ്. പരമാവധി 30,000 അടി ഉയരത്തിൽ പറക്കാൻ കഴിവുള്ള ഈ വിമാനത്തിന് 345 മൈൽ വേഗത കൈവരിക്കാൻ കഴിയും. ലോകമെമ്പാടുമുള്ള വ്യവസായ മേഖലയിൽ ഈ മോഡലിൽ 125-ൽ കൂടുതൽ വിമാനങ്ങൾ ഇപ്പോഴും സേവനത്തിലുണ്ട്.
അപകടകാരണം വ്യക്തമല്ല. അതിനാൽ FAAയും NTSBയും ചേർന്ന് സമഗ്രമായ അന്വേഷണം നടത്തും.
