നികുതി റിട്ടേൺ ഫയൽ ചെയുന്ന PayPal, Venmo ഉപയോക്താക്കൾക്ക് IRS ന്റെ ജാഗ്രതാ നിർദ്ദേശം.
വാഷിംഗ്ടൺ ഡി സി :2025-ൽ PayPal, Venmo, CashApp തുടങ്ങിയ പേയ്മെന്റ് ആപ്പുകൾ വഴി പണമിടപാടുകൾ നടത്തിയവർക്ക് അമേരിക്കൻ നികുതി ഏജൻസിയായ IRS (Internal Revenue Service) ജാഗ്രതാ നിർദ്ദേശം നൽകി.
സാധനങ്ങളോ സേവനങ്ങളോ നൽകി ഇത്തരം ആപ്പുകൾ വഴി പണം സ്വീകരിച്ചിട്ടുണ്ടെങ്കിൽ, അത് നികുതി റിട്ടേണിൽ കൃത്യമായി രേഖപ്പെടുത്തണം.
ഒരു വർഷം 200-ലധികം ഇടപാടുകളിലൂടെ 20,000 ഡോളറിൽ കൂടുതൽ ലഭിച്ചിട്ടുണ്ടെങ്കിൽ പേയ്മെന്റ് ആപ്പുകൾ നിങ്ങൾക്ക് 1099-K ഫോം നൽകും. എന്നാൽ ഈ പരിധിയിൽ താഴെ പണം ലഭിച്ചവർക്കും ചിലപ്പോൾ ഫോം ലഭിച്ചേക്കാം.
സുഹൃത്തുക്കളിൽ നിന്നോ കുടുംബാംഗങ്ങളിൽ നിന്നോ ലഭിക്കുന്ന സമ്മാനങ്ങൾ, വ്യക്തിപരമായ ചെലവുകൾ പങ്കിടുമ്പോൾ ലഭിക്കുന്ന പണം (ഉദാഹരണത്തിന് ഭക്ഷണത്തിന്റെ ബില്ല് പങ്കിടുന്നത്) എന്നിവയ്ക്ക് നികുതി നൽകേണ്ടതില്ല.
ഇത്തരം വ്യക്തിപരമായ ഇടപാടുകൾ നടത്തുമ്പോൾ ആപ്പുകളിൽ അവ ‘Non-Business’ എന്ന് അടയാളപ്പെടുത്തുന്നത് ഭാവിയിൽ ബുദ്ധിമുട്ടുകൾ ഒഴിവാക്കാൻ സഹായിക്കുമെന്ന് IRS നിർദ്ദേശിക്കുന്നു.
ചുരുക്കത്തിൽ, നിങ്ങൾക്ക് 1099-K ഫോം ലഭിച്ചാലും ഇല്ലെങ്കിലും, ബിസിനസ് സംബന്ധമായ എല്ലാ വരുമാനവും നികുതിക്കായി റിപ്പോർട്ട് ചെയ്യേണ്ടത് നിർബന്ധമാണ്.
പി പി ചെറിയാൻ
