ഡെമോക്രാറ്റിക് പ്രൈമറി: ഇൽഹാൻ ഒമറിനെതിരെ അഭിഭാഷക ജൂലി, പോരാട്ടം കൂടുതൽ കടുപ്പിക്കും.
മിനസോട്ട: മിനസോട്ടയിൽ നിന്നുള്ള പ്രമുഖ ഡെമോക്രാറ്റിക് പ്രതിനിധി ഇൽഹാൻ ഒമറിനെതിരെ പ്രൈമറി തിരഞ്ഞെടുപ്പിൽ മുൻ നീതിന്യായ വകുപ്പ് (DOJ) അഭിഭാഷക ജൂലി ടി. ലി മത്സരിക്കുന്നു. ഓഗസ്റ്റ് 11-നാണ് മിനസോട്ടയിലെ ഡെമോക്രാറ്റിക് പ്രൈമറി നടക്കുക.
മുൻപ് മിനിയാപൊളിസിലെ യുഎസ് അറ്റോർണി ഓഫീസിൽ ജോലി ചെയ്തിരുന്ന ജൂലി ടി. ലി. ഇമിഗ്രേഷൻ പരിഷ്കരണം, വിദ്യാഭ്യാസ ഫണ്ടിംഗ്, ആരോഗ്യ പരിരക്ഷാ സൗകര്യങ്ങൾ എന്നിവയ്ക്കാണ് ജൂലി ൻഗണന നൽകുന്നത്.
2025 ഫെബ്രുവരിയിൽ കോടതിയിൽ വെച്ച് ഇമിഗ്രേഷൻ കേസുകളുടെ അമിതഭാരത്തെക്കുറിച്ച് വൈകാരികമായി സംസാരിച്ചതിനെത്തുടർന്ന് ജൂലി വാർത്തകളിൽ ഇടംപിടിച്ചിരുന്നു. ആ സംഭവത്തിന് പിന്നാലെ ട്രംപ് ഭരണകൂടം ഇവരെ സ്ഥാനത്തുനിന്ന് നീക്കിയിരുന്നു.
2019 മുതൽ ഇൽഹാൻ ഒമർ പ്രതിനിധീകരിക്കുന്ന മിനസോട്ടയിലെ അഞ്ചാം കോൺഗ്രസ് ഡിസ്ട്രിക്റ്റ്. 1960-ന് ശേഷം ഈ മണ്ഡലത്തിൽ റിപ്പബ്ലിക്കൻ പാർട്ടി ജയിച്ചിട്ടില്ല.
കഴിഞ്ഞ തവണത്തെ പ്രൈമറിയിൽ ശക്തമായ പോരാട്ടത്തിനൊടുവിലാണ് ഇൽഹാൻ ഒമർ വിജയിച്ചത്. ഇത്തവണ ജൂലിയുടെ വരവ് പോരാട്ടം കൂടുതൽ കടുപ്പിക്കും.
പി പി ചെറിയാൻ
