കൊച്ചി : 2025ല് റെക്കോര്ഡ് സാമ്പത്തികനേട്ടങ്ങളുമായി ഡിപി വേള്ഡ് ഈ സാമ്പത്തിക വര്ഷത്തെ ഫലങ്ങള് പ്രഖ്യാപിച്ചു. വരുമാനം 22 ശതമാനം വര്ദ്ധിച്ച് 24.4 ബില്യണ് ഡോളറായപ്പോള് നികുതിക്ക്് മുന്പുള്ള വരുമാനം 18 ശതമാനം വര്ദ്ധിച്ച് 6.4 ബില്യണ് ഡോളറായി ഉയര്ന്നു. തുറമുഖങ്ങളിലും ടെര്മിനലുകളിലും ലോജിസ്റ്റിക്സിലുടനീളമുള്ള ശക്തമായ പ്രകടനമാണ് ഈ നേട്ടത്തിന് പിന്നിലെന്ന് കമ്പനി അറിയിച്ചു. ഈ കാലയളവില് ഗ്രൂപ്പിന്റെ മൊത്തം ചരക്ക് കൈകാര്യം 5.8 ശതമാനം വര്ധിച്ച് 93.4 മില്യണ് ടിഇയു (ഇരുപത് അടി കണ്ടെയ്നര് യൂണിറ്റ്) ആയി.
ഓപ്പറേറ്റിങ് ക്യാഷ്ഫ്ളോ 14 ശതമാനം ഉയര്ന്ന് 6.3 ബില്യണ് ഡോളറായി ആയി. 2025ല് മൂലധന ചെലവ് 3.1 ബില്യണ് ഡോളറായി ആയി വര്ധിച്ചപ്പോള് നിക്ഷേപിച്ച മൂലധനത്തിലെ വരുമാനം 9.9 ശതമാനമായി ഉയര്ന്നു. പ്രവര്ത്തന ലിവറേജും മാനേജ്മെന്റ് കോസ്റ്റും ഉള്പ്പെടെ , ഈ വര്ഷത്തെ ലാഭം 32.2 ശതമാനം വര്ദ്ധിച്ച് 1.96 ബില്യണ് ഡോളറിലെത്തി.
‘ഈ സാമ്പത്തിക ഫലങ്ങള് ഡിപി വേള്ഡിന്റെ സംയോജിത പ്ലാറ്റ്ഫോമിന്റെ ശക്തിയെയും വിതരണ ശൃംഖലകള് പുനഃക്രമീകരിക്കുമ്പോള് അതുമായി പൊരുത്തപ്പെടാനുള്ള കഴിവിനെയും പ്രതിഫലിപ്പിക്കുന്നുവെന്ന് ഡിപി വേള്ഡിന്റെ ഡയറക്ടര് ബോര്ഡ് ചെയര്മാന് എച്ച്.ഇ. ഇസ്സ കാസിം പറഞ്ഞു. തുറമുഖങ്ങളും ടെര്മിനലുകളും മികച്ച പ്രകടനം കാഴ്ചവച്ചുവെന്നും നല്ല തോതിലുള്ള ചരക്ക് കൈകാര്യം, മെച്ചപ്പെട്ട വരുമാനം, അച്ചടക്കത്തോടെയുള്ള കോസ്റ്റ് മാനേജ്മെന്റ്, അതുപോലെതന്നെ ഓരോ ടിഇയുവില് നിന്നുള്ള താരതമ്യയോഗ്യമായ അടിസ്ഥാനത്തില് ലഭിച്ച വരുമാനം 8.5% വര്ദ്ധിച്ചതും ഈ നേട്ടത്തിന് പിന്തുണയേകിയെന്നും ഡിപി വേള്ഡ് ഗ്രൂപ്പ് സിഇഒ യുവരാജ് നാരായണ് പറഞ്ഞു.
2024-ല് 8.9% ആയിരുന്ന മൂലധന വിനിയോഗത്തില് നിന്നുള്ള വരുമാനനിരക്ക് ഇക്കാലയളവില് 9.9% ആയി വര്ദ്ധിച്ചു, ഇത് തുടര്ച്ചയായ ഭൗമരാഷ്ട്രീയ, വ്യാപാര അനിശ്ചിതത്വങ്ങള്ക്കിടയിലും ശക്തമായ വരുമാനത്തെ പ്രതിഫലിപ്പിക്കുന്നു.
‘ഡിപി വേള്ഡിന് ഇന്ത്യ ഒരു പ്രധാന വളര്ച്ചാ വിപണിയാണെന്നും തുടര്ച്ചയായ നിക്ഷേപങ്ങള് രാജ്യത്തിന്റെ ദീര്ഘകാല വ്യാപാര സാധ്യതയിലുള്ള ആത്മവിശ്വാസത്തെ പ്രതിഫലിപ്പിക്കുന്നുവെന്ന്് സബ്കോണ്ടിനന്റ്, മധ്യേഷ്യ, ലെവന്റ്, ഈജിപ്ത് എന്നിവയുടെ സിഇഒയും മാനേജിംഗ് ഡയറക്ടറുമായ റിസ്വാന് സൂമര് പറഞ്ഞു.
