ന്യൂയോർക്ക്: റാന്നി കീക്കോഴുർ പൊട്ടകുളത്ത് സ്വദേശിയും, അമേരിക്കയിലെ പ്രശസ്ത ക്രൈസ്തവ ശുശ്രൂഷകനുമായ പാസ്റ്റർ എബ്രഹാം പി. സാമുവേൽ (രാജൻ – 76) നവംബർ 8ന് റോക്‌ലൻഡിൽ അന്തരിച്ചു.
ഇന്ത്യൻ വ്യോമസേനയിൽ സേവനമനുഷ്ഠിച്ചതിനു ശേഷം അമേരിക്കയിലേക്ക് കുടിയേറിയ പാസ്റ്റർ എബ്രഹാം, ന്യൂയോർക്ക് ക്യൂൻസിലെ ഇന്ത്യാ പെന്തക്കോസ്ത് ചർച്ചിൽ പാസ്റ്റർ എ.സി. ജോർജിനൊപ്പം പ്രവർത്തിച്ചു. ലൂസിയാനയിലെ ജിമ്മി സ്വാഗാർട്ട് ബൈബിൾ കോളേജിൽ ബിരുദാനന്തരം നേടിയ അദ്ദേഹം, ബ്രോങ്ക്സിൽ ബെഥേൽ പെന്തക്കോസ്ത് ചർച്ച് സ്ഥാപിച്ചു. ശുശ്രൂഷയ്ക്ക് പൂർണമായും സമർപ്പിതനായതിനാൽ, ന്യൂയോർക്ക് കറക്ഷണൽ ഓഫീസർ പദവിയിൽ നിന്നും രാജിവച്ചത് അദ്ദേഹത്തിന്റെ ത്യാഗ മനോഭാവത്തിന്റെ ഉദാഹരണമായി വിലയിരുത്തപ്പെടുന്നു.
പാസ്റ്റർ എബ്രഹാം സ്നേഹവും ഔദാര്യവും കൊണ്ട് സമൂഹത്തിൽ ഏറെ പ്രിയങ്കരനായിരുന്നുവെന്ന് അനുയായികൾ സാക്ഷ്യപ്പെടുത്തുന്നു. പാസ്റ്റർ സാമുവേലിന്റെ നിര്യാണത്തിൽ മലയാളി സമൂഹം അനുശോചനം രേഖപ്പെടുത്തി.
കുടുംബം
ഭാര്യ: സാറാമ്മ (പൊടിയമ്മ) സാമുവേൽ.
മക്കൾ: ബിൻസി – ജിജി വർഗ്ഗീസ്, പാസ്റ്റർ ബിജോയി സാമുവേൽ – നിഷാ, പാസ്റ്റർ ജോൺ സാമുവേൽ (ബോബി) – സിമി.
കൊച്ചുമക്കൾ: സെലീന-മാർവിൻ, മെലിസ, ജെയ്‌സ്, അലിസ, എറിക്ക, ജൂഡ, ജോനാഥൻ
സഹോദരങ്ങൾ: പരേതയായ ജെയിനാമ്മ കുരുവിള, ഫിലിപ്പോസ് എബ്രഹാം, എലിസബത്ത് തോമസ്, പാസ്റ്റർ ജെയിംസ് എബ്രഹാം, പരേതനായ ജോൺ എബ്രഹാം, സൈമൺ എബ്രഹാം, എസ്തർ സക്കറിയ, റൂത്ത് തോമസ്.
അന്ത്യാഞ്ജലി, അനുസ്മരണം
പൊതു ദർശനം:
തീയതി : നവംബർ 15 വെള്ളിയാഴ്ച, വൈകിട്ട് 7:00 മണി
സ്ഥലം: Generations Church, 592 Main St, New Rochelle, NY 10801
ഭൗതിക സംസ്കാരം:
തീയതി : നവംബർ 16 ശനിയാഴ്ച, രാവിലെ 10:00
സ്ഥലം: India Pentecostal Fellowship, 85 Marion St, Nyack, NY 10960
കുടുംബാംഗങ്ങൾക്കും സുഹൃത്തുക്കൾക്കും ആദരാഞ്ജലി അർപ്പിക്കുവാൻ അവസരം ഒരുക്കിയിരിക്കുന്നതായും ബന്ധുക്കൾ അറിയിച്ചു.
