കൊച്ചി: ഹേമ കമ്മിറ്റി റിപ്പോർട്ടിന്‍റെ അടിസ്ഥാനത്തിൽ സര്‍ക്കാര്‍ എന്താണ് ചെയ്യാനിരിക്കുന്നത് എന്ന ചോദ്യവുമായി ഹൈക്കോടതി രംഗത്ത്. ഹേമ കമ്മിറ്റി റിപ്പോർട്ടിലെ ശിപാര്‍ശകളുടെ അടിസ്ഥാനത്തില്‍ കേസ് എടുക്കണമെന്ന ഹര്‍ജി പരിഗണിക്കവെയാണ് കോടതി സര്‍ക്കാരിനോട് നിലപാട് തേടിയത്.
ഹേമ കമ്മിറ്റി ചൂണ്ടിക്കാട്ടിയ പ്രശ്നങ്ങള്‍ ഗുരുതരമാണോ എന്നും മൊഴി നല്‍കിയവരുടെ പേര് വിവരങ്ങള്‍ സര്‍ക്കാരിന്‍റെ കൈവശമുണ്ടോ എന്നും കോടതി ചോദിച്ചു. കേസെടുക്കാനോ വിശദമായ അന്വേഷണം നടത്താനോ ഹേമ കമ്മിറ്റിയുടെ ശിപാര്‍ശകള്‍ സാധൂകരിക്കുന്നതാണോ എന്നതിലും കോടതി നിര്‍ദേശങ്ങള്‍ ചോദിച്ചിരിക്കുന്നു.
ഹേമ കമ്മിറ്റി റിപ്പോര്‍ട്ടിന്റെ പൂർണ്ണരൂപം മുദ്രവെച്ച കവറില്‍ സമര്‍പ്പിക്കാനും കോടതി നിര്‍ദേശിച്ചു. പോളിസിക്ക് നേരിട്ട് കേസെടുക്കാവുന്ന കുറ്റങ്ങളുണ്ടോ എന്നതും കോടതി പരിശോധിച്ചിരിക്കുകയാണ്.
സര്‍ക്കാരിന്‍റെ മറുപടിയില്‍ മൊഴി നല്‍കിയവരുടെ പേര് വിവരങ്ങള്‍ കോണ്‍ഫിഡന്‍ഷ്യല്‍ ആണെന്നും, മൊഴി നൽകിയവര്‍ക്ക് നേരിട്ട് മുന്നോട്ടുവരാൻ താല്‍പര്യമുണ്ടോയെന്ന സര്‍ക്കാരിന്‍റെ ചോദ്യം നിലനില്‍ക്കുന്നതായും വ്യക്തമാക്കി.
