ഇടുക്കി: സംസ്ഥാനത്തിന്റെ ടൂറിസം മേഖലക്ക് കരുത്തേകി, സീ പ്ലെയിന് മാട്ടുപ്പെട്ടി ഡാമില് ഇറങ്ങി. കഴിഞ്ഞ ദിവസം കൊച്ചിയില് നിന്നും പറന്നുയര്ന്ന ജലവിമാനം ഇടുക്കിയിലെ ഹൈറേഞ്ച് ടൂറിസം കേന്ദ്രമായ മാട്ടുപെട്ടിയിലാണ് ലാന്ഡ് ചെയ്തത്. ടൂറിസം മന്ത്രിമാരായ മുഹമ്മദ് റിയാസ്, പി രാജീവ്, വി ശിവന്കുട്ടി എന്നിവരും ഈ ചരിത്ര മുഹൂര്ത്തത്തിന് സാക്ഷ്യം വഹിച്ചു.
മലപ്പുറം, കൊല്ലം, ആലപ്പുഴ, കാസര്ഗോഡ്, തിരുവനന്തപുരം ജില്ലകളിലെ വിവിധ ജലാശയങ്ങളും പ്രാദേശിക വിമാനത്താവളങ്ങളുമായി ബന്ധപ്പെടുത്തി സീ പ്ലെയിന് സര്വീസ് വ്യാപിപ്പിക്കാനും സര്ക്കാര് ആലോചിക്കുന്നുണ്ട്. ഇതിനായി സീ പ്ലെയിന് സര്ക്യൂട്ട് രൂപപ്പെടുത്താന് പദ്ധതിയുണ്ട്.
മൈസുരുവില് നിന്നാണ് കാനഡയില് നിന്നും എത്തിയ ജലവിമാനം കൊച്ചിയിലെത്തിയത്. ടൂറിസം മാത്രം ലക്ഷ്യമാക്കാതെ, മെഡിക്കല് ആവശ്യങ്ങള്ക്കും വിഐപികള്ക്കും അടിയന്തര സാഹചര്യങ്ങളില് സഞ്ചരിക്കാനും ഇവ ഉപയോഗപ്പെടുത്താന് സര്ക്കാര് പദ്ധതിയിടുന്നുണ്ട്.
