മുണ്ടിപ്പള്ളി: മഹാത്മാ ഗാന്ധിജിയുടെ സ്മരണാർത്ഥം കവിയൂർ ഗ്രാമപഞ്ചായത്ത് രണ്ടാം വാർഡ് കോൺഗ്രസ് കമ്മറ്റിയുടെ നേതൃത്വത്തിൽ അനുസ്മരണവും കുടുംബ സംഗമവും നടന്നു. ചടങ്ങിൽ വിവിധ മേഖലകളിൽ മികവ് തെളിയിച്ചവരെ ആദരിച്ചു.ലോയേഴ്സ് സംസ്ഥാന ജനറൽ സെക്രട്ടറി അഡ്വ. വി. സി. സാബു പരിപാടി ഉദ്ഘാടനം ചെയ്തു. സമൂഹ നന്മ ലക്ഷ്യമാക്കി സ്വാർത്ഥത വെടിഞ്ഞ് പ്രവർത്തിക്കേണ്ടത് ഓരോ പൗരന്റെയും കടമയാണെന്ന് അദ്ദേഹം അഭിപ്രായപ്പെട്ടു. അവകാശങ്ങൾക്കൊപ്പം ഉത്തരവാദിത്തങ്ങളും നിർവഹിക്കേണ്ടത് കോൺഗ്രസ് പ്രവർത്തകരുടെ മുഖ്യ ദൗത്യമാണെന്നും അദ്ദേഹം ഓർമ്മിപ്പിച്ചു.വാർഡ് പ്രസിഡന്റ് കുര്യൻ ചെറിയാൻ അധ്യക്ഷനായ ചടങ്ങിൽ പഞ്ചായത്ത് അംഗം ലിൻസി മോൻസി, മണ്ഡലം പ്രസിഡന്റ് മണിരാജ്, രാജൻ പണിക്കമുറി, സാറാമ്മ സാബു, ജോണ്ടി ജോൺ, ഇ. ജെ. ജോൺ, ചെറിയാൻ വാക്കയിൽ, പ്രസാദ് ജോർജ്, കുഞ്ഞമ്മ ജോൺസൺ, ചാക്കോ മഠത്തിൽ എന്നിവർ പ്രസംഗിച്ചു.പരിപാടിയുടെ ഭാഗമായി മഠത്തിൽ തങ്കച്ചൻ, ജോസ് വർഗീസ്, കെ. സി. രാജൻ, ചാക്കോ മുണ്ടിയപ്പള്ളി, അനിയൻ കാലായിൽ എന്നിവരായ കർഷകരെയും സാറാമ്മ ചാണ്ടി, പി. കെ. രാജമ്മ, ലിസി യമ്മ, ഇ. ജി. ജോൺ, സാബു തോമസ്, തോമസ് ജേക്കബ്, രാജു തെരേട്ട്, കെ. വി. മാത്യു, ചെറിയാൻ വാക്കയിൽ എന്നിവരെയും ആദരിച്ചു.നിരവധി വികസന പദ്ധതികളുടെ ഉദ്ഘാടനവും വിവിധ കലാപരിപാടികളും അരങ്ങേറി. സമാപന ചടങ്ങുകൾക്കൊപ്പം കുടുംബ സംഗമം ഉത്സാഹഭരിതമാക്കി.
