ട്രംപിന്റെ ഷോക്കിംഗ് നീക്കം: അമേരിക്കയിൽ സർക്കാർ ജീവനക്കാരെ കൂട്ടപ്പിരിച്ചുവിടൽ

വാഷിങ്ടൺ: അമേരിക്കയിൽ കൂട്ടപ്പിരിച്ചുവിടലിന്റെ ഞെട്ടലാണ് തുടരുന്നത്. മുൻ പ്രസിഡന്റ് ഡൊണാൾഡ് ട്രംപിന്റെ ഉത്തരവിനുപ്രകാരമാണ് പതിനായിരക്കണക്കിന് സർക്കാർ ജീവനക്കാരെ ജോലിയിൽ നിന്ന് പുറത്താക്കിയിരിക്കുന്നത്.വാഷിങ്ടൺ പോസ്റ്റിന്റെ റിപ്പോർട്ട് പ്രകാരം, പ്രൊബേഷണറി സ്റ്റാറ്റസിലുള്ളവരെയാണ് പ്രധാനമായും പിരിച്ചുവിട്ടത്. സംരക്ഷിത പ്രദേശങ്ങൾ, നാഷണൽ പാർക്കുകൾ, ഗ്യാസ് ലീസിങ് പ്രോഗ്രാമുകൾ എന്നിവയെ നിയന്ത്രിക്കുന്ന യു.എസ്. ആഭ്യന്തര വകുപ്പിൽ മാത്രം 2300 പേരെ ഒരു ദിവസം കൊണ്ട് പുറത്താക്കി.അറിയിപ്പ് ലഭിച്ചത് മൈക്രോസോഫ്റ്റ് ടീം കോളുകളിലൂടെയും മുൻകൂട്ടി തയ്യാറാക്കിയ മെസ്സേജുകൾ വഴിയുമായിരുന്നു. 30 മിനിറ്റിനുള്ളിൽ ഓഫീസ് വിട്ടുപോകണമെന്ന് ഉത്തരവിലുണ്ടായിരുന്നു. മുൻകൂട്ടി ഇമെയിൽ വഴി അറിയിപ്പ് നൽകുമെന്ന് റിപ്പോർട്ടുണ്ടായിരുന്നെങ്കിലും അത് നടന്നില്ലെന്ന് CNN റിപ്പോർട്ട് ചെയ്യുന്നു.അമേരിക്കൻ ഫെഡറേഷൻ ഓഫ് ഗവൺമെന്റ് എംപ്ലോയീസിന്റെ (AFGE) മേധാവി എവററ്റ് കെല്ലി ഈ നീക്കത്തെ ശക്തമായി വിമർശിച്ചു. തൊഴിലാളികളുടെ അവകാശങ്ങൾ ലംഘിച്ചുവെന്നും നിയമനടപടികൾ സംശയാസ്പദമാണെന്നും അദ്ദേഹം ആരോപിച്ചു.സർക്കാർ ചെലവ് കുറയ്ക്കാൻ ഗവൺമെന്റ് ജീവനക്കാരുടെ എണ്ണം കുറയ്ക്കുന്നതിന്റെ ഭാഗമായി ഈ നീക്കമെന്നാണ് റിപ്പോർട്ടുകൾ. ട്രംപും ഇലോൺ മസ്‌കും ചേർന്നാണ് ഈ തീരുമാനമെടുത്തതെന്നാണ് സൂചന. ഇന്റേണൽ റവന്യൂ സർവീസിലെ ആയിരത്തോളം ജീവനക്കാരെയും അടുത്ത ആഴ്ചയിൽ പിരിച്ചുവിടുമെന്ന് റിപ്പോർട്ടുകൾ പറയുന്നു.