പ്രളയത്തെ നേരിടാൻ ടെക്സസിൽ നാസയുടെ വിമാനങ്ങൾ എത്തി
ടെക്സസ്: കനത്ത മഴയും അതിനുശേഷം ഉണ്ടായ പ്രളയവും പിടിമുറുക്കിയ ടെക്സസിൽ രക്ഷാപ്രവർത്തനങ്ങൾ ശക്തമാകുന്നു. 119 പേരുടെ ജീവൻ നഷ്ടപ്പെട്ടതും 200 പേരോളം കാണാതായതുമാണ് ഇതുവരെ ലഭിച്ച ഔദ്യോഗിക വിവരം.
ദുരിതബാധിതരെ രക്ഷിക്കാൻ അധിക സഹായങ്ങൾ ആവശ്യമുള്ള സാഹചര്യത്തിൽ, അമേരിക്കൻ ബഹിരാകാശ ഗവേഷണ കേന്ദ്രമായ നാസയുടെ അത്യാധുനിക വിമാനങ്ങൾ ഇപ്പോൾ ടെക്സസിൽ പ്രവർത്തനത്തിലാണ്. ഈ വിമാനങ്ങൾ ദുരിതം സംഭവിച്ച പ്രദേശങ്ങളെ കുറിച്ചുള്ള കൃത്യവിവരങ്ങൾ ശേഖരിച്ച് രക്ഷാപ്രവർത്തനം വേഗത്തിലാക്കുന്നതാണ് ലക്ഷ്യം.
നാസയുടെ രണ്ടു വിമാനങ്ങളാണ് ഉപയോഗത്തിൽ. അതിലൊന്ന് ഉയർന്ന ആകാശതലത്തിൽ പറക്കുന്ന പ്രത്യേക എയർക്രാഫ്റ്റാണ്. അതിൽ ഘടിപ്പിച്ചിരിക്കുന്ന സെൻസറുകൾ നദികളും ചുറ്റുമുള്ള പ്രദേശങ്ങളും പോലും രാത്രി സമയത്തും വ്യക്തമായി കാണാനാകുന്ന ചിത്രങ്ങൾ പകർത്തും. ഇതിലൂടെ പ്രളയത്തിന്റെ വ്യാപ്തിയും നാശനഷ്ടങ്ങളും കൃത്യമായി വിലയിരുത്താം.
മറ്റൊരു വിമാനത്തിൽ വെള്ളം കയറിയ പ്രദേശങ്ങൾ കൃത്യമായി തിരിച്ചറിയാൻ സഹായിക്കുന്ന റഡാറാണ് ഉപയോഗിക്കുന്നത്. കാഴ്ചക്ക് സാദ്ധ്യതയില്ലാത്ത വെള്ളക്കെട്ടുകളും ഭവനങ്ങളും അടിസ്ഥാന സൗകര്യങ്ങൾക്കുണ്ടായ നാശങ്ങളും ഇതിലൂടെ മനസ്സിലാക്കാം.
തുടർച്ചയായി മേഘം നിറഞ്ഞ കാലാവസ്ഥയുള്ളപ്പോഴും സാറ്റലൈറ്റ് ചിത്രങ്ങൾ ലഭിക്കാൻ ബുദ്ധിമുട്ടുള്ള സാഹചര്യമാണുള്ളത്. ഈ സാഹചര്യത്തിലാണ് നാസയുടെ വിമാനങ്ങൾ വിവര ശേഖരണത്തിൽ നിർണായകമാകുന്നത്.
രാജ്യത്തെ സുരക്ഷ സംവിധാനങ്ങൾക്കൊപ്പം നാസയുടെ ഇടപെടൽ രക്ഷാപ്രവർത്തനങ്ങൾക്ക് വലിയ പിന്തുണയായിരിക്കുകയാണ്.
