സ്വർഗ്ഗീയനാദം വോള്യം 45 മെയ് 29-ന്; മുഖ്യാതിഥിയായി പ്രശസ്ത സംഗീതസംവിധായകൻ അനിൽ കൈപ്പട്ടൂർ.

അറ്റ്‌ലാന്റ: അറ്റ്‌ലാന്റ കേന്ദ്രമായി പ്രവർത്തിക്കുന്ന പ്രശസ്ത സംഗീത കൂട്ടായ്മയായ ‘സ്വർഗ്ഗീയനാദം’ അതിന്റെ 45-ാമത് വോള്യം മെയ് 29 വെള്ളിയാഴ്ച രാത്രി 8:30-ന് (EST) സൂം (Zoom) പ്ലാറ്റ്‌ഫോം വഴി നടത്തുന്നു. സണ്ണി പറവനേത്തിന്റെ നേതൃത്വത്തിൽ ക്രമീകരിച്ചിരിക്കുന്ന ഈ സവിശേഷ പ്രോഗ്രാമിൽ പ്രശസ്ത ഗായകനും സംഗീതസംവിധായകനും ഗാനരചയിതാവുമായ അനിൽ കൈപ്പട്ടൂർ മുഖ്യാതിഥിയായി പങ്കെടുക്കും. അദ്ദേഹം പ്രേക്ഷകരുമായി സംവദിക്കുന്ന ‘ഫേസ് ടു ഫേസ്’ (Face to Face) പരിപാടിയാണ് ഇതിന്റെ പ്രധാന ആകർഷണം.

മിസ്റ്റർ മാത്യു സാമുവലിന്റെ പ്രാരംഭ പ്രാർത്ഥനയോടെ പരിപാടികൾ ആരംഭിക്കും. സി.ഐ.എസ്.എ. (CISA)-യുടെ വിവിധ ഇടങ്ങളിൽ നിന്നുള്ള പ്രമുഖ ഗായകർ ഈ സംഗീത സന്ധ്യയിൽ അണിനിരക്കുന്നുണ്ട്. സണ്ണി പറവനേത്തു , സാബു, അഞ്ജി, നിമ്മി, റോഷൻ, ബീന, മോളി, ബിൻസു, ഈശോ എന്നിവർക്കൊപ്പം മുഖ്യാതിഥിയായ അനിൽ കൊച്ചുപൂവനും പരിപാടിയിൽ ഗാനങ്ങൾ ആലപിക്കും.

ചടങ്ങിന്റെ സമാപനത്തിൽ മിസ്റ്റർ അലക്സ് തോമസ് താഴത്തല്ലത്ത് നന്ദി പ്രകാശിപ്പിക്കുകയും, മിസ്റ്റർ പി. പി. ചെറിയാൻ സമാപന പ്രാർത്ഥന നടത്തുകയും ചെയ്യും. എല്ലാ സംഗീതപ്രേമികളെയും ഈ പ്രോഗ്രാമിലേക്ക് സ്നേഹപൂർവ്വം സ്വാഗതം ചെയ്യുന്നതായി സംഘാടകർ അറിയിച്ചു.

പരിപാടിയുടെ വിശദാംശങ്ങൾ:
തീയതിയും സമയവും: മെയ് 29, വെള്ളിയാഴ്ച | രാത്രി 8:30 PM (EST)
പ്ലാറ്റ്‌ഫോം: Zoom
Zoom ID: 769 374 4841.Password: music

കൂടുതൽ വിവരങ്ങൾക്ക് സണ്ണി പറവനേത്തുമായി ബന്ധപ്പെടുക: (678) 866-5336

പി പി ചെറിയാൻ