രവി തനവാല അമേരിക്കൻ ഈഗിൾ ഔട്ട്ഫിറ്റേഴ്സിന്റെ പുതിയ സി.എഫ്.ഒ.

പ്രമുഖ അന്താരാഷ്ട്ര ബ്രാൻഡായ ‘പാപ്പ ജോൺസിൽ’ നിന്ന് മലയാളി വേരുകളുള്ള രവി തനവാല പ്രശസ്ത വസ്ത്രവ്യാപാര ശൃംഖലയായ ‘അമേരിക്കൻ ഈഗിൾ ഔട്ട്ഫിറ്റേഴ്സിൻ്റെ’  പുതിയ ചീഫ് ഫിനാൻഷ്യൽ ഓഫീസറായി ചുമതലയേൽക്കുന്നു. 2026 ഓഗസ്റ്റ് 3 മുതൽ അദ്ദേഹം പുതിയ പദവിയിൽ നിയമിതനാകും.

കഴിഞ്ഞ 25 വർഷമായി കമ്പനിയിലുള്ള മൈക്ക് മാത്തിയാസിന് പകരക്കാരനായാണ് രവി തനവാല ഈ സ്ഥാനത്തേക്ക് എത്തുന്നത്. മാത്തിയാസ് കമ്പനിയുടെ സ്ട്രാറ്റജിക് അഡ്വൈസർ പദവിയിലേക്ക് മാറും.

മുമ്പ് പാപ്പ ജോൺസിന്റെ നോർത്ത് അമേരിക്കൻ പ്രസിഡന്റായും സി.എഫ്.ഒ ആയും സേവനമനുഷ്ഠിച്ചിട്ടുള്ള രവി, 2024-ൽ കമ്പനിയുടെ താൽക്കാലിക സി.ഇ.ഒ ആയും പ്രവർത്തിച്ചിട്ടുണ്ട്. ഇതിന് മുൻപ് നൈക്കി,  കൺവേഴ്സ്  തുടങ്ങിയ പ്രമുഖ ബ്രാൻഡുകളുടെയും ധനകാര്യ-ഓപ്പറേഷൻസ് വിഭാഗങ്ങളിൽ അദ്ദേഹം നിർണായക നേതൃപദവികൾ വഹിച്ചിട്ടുണ്ട്.