തുളസി ഗബ്ബാർഡിന്റെ സഹോദരൻ കുട്ടികളെ അപായപ്പെടുത്താൻ ശ്രമിച്ച കേസിൽ അറസ്റ്റിൽ.
മുൻ യു.എസ് നാഷണൽ ഇന്റലിജൻസ് ഡയറക്ടർ തുളസി ഗബ്ബാർഡിന്റെ സഹോദരൻ ബതാർതി ഗബ്ബാർഡിനെതിരെ (55) ഹവായിയിലെ ഹോണോലുലു പൊലീസ് കേസെടുത്തു. വൈകീകിയിലെ ഒരു ഹോട്ടൽ സ്വിമ്മിംഗ് പൂളിന് സമീപം വെച്ച് 9 വയസ്സുകാരനടക്കമുള്ള കുട്ടികൾക്ക് മിഠായിയും പണവും വാഗ്ദാനം ചെയ്ത് തന്റെ മുറിയിലേക്ക് വിളിച്ചുവരുത്താൻ ശ്രമിച്ചു എന്ന ആരോപണത്തിലാണ് നടപടി.
ജൂലൈ 12-ന് ഉച്ചയ്ക്ക് 2 മണിയോടെയാണ് സംഭവം നടന്നത്. കുട്ടികൾ കൂടെപ്പോകാൻ വിസമ്മതിച്ചതിനെ തുടർന്ന് ഒരു സ്ത്രീ പൊലീസിൽ വിവരമറിയിക്കുകയായിരുന്നു.
കുട്ടികളെ സ്വാധീനിക്കാൻ ശ്രമിച്ചതിന് രണ്ടാം ഘട്ട കുറ്റപത്രമാണ് പൊലീസ് ചുമത്തിയിരിക്കുന്നത്. ഇതിനുപുറമെ, ഒരു മോഷണക്കേസിലും ബതാർതി നേരത്തെ അറസ്റ്റിലായിരുന്നു.
മകൻ മാനസികാരോഗ്യ ചികിത്സയിൽ തുടരുകയാണെന്നും അവൻ വേഗത്തിൽ സുഖം പ്രാപിക്കാൻ പ്രാർത്ഥിക്കുന്നുവെന്നും പിതാവും ഹവായ് സ്റ്റേറ്റ് സെനറ്ററുമായ മൈക്ക് ഗബ്ബാർഡ് പ്രതികരിച്ചു.
നിലവിൽ ബതാർതി ഗബ്ബാർഡ് പൊലീസ് കസ്റ്റഡിയിലില്ല. മോഷണക്കേസിൽ ഓഗസ്റ്റ് 14-ന് കോടതിയിൽ ഹാജരാകാൻ നിർദ്ദേശിച്ചിട്ടുണ്ട്.
