ഇന്ത്യയുടെ ആധിപത്യം തുടരുന്നു: ഇംഗ്ലണ്ടിന് വൈറ്റ് വാഷ് നാണക്കേട്

അഹമ്മദാബാദ്∙ ഇന്ത്യയുടെ അതികായ ജയം! ഇംഗ്ലണ്ടിനെതിരായ മൂന്നാം ഏകദിനത്തിലും ഇന്ത്യയുടെ ആധിപത്യം കാത്തു. ആദ്യം ബാറ്റ് ചെയ്ത ഇന്ത്യ 50 ഓവറിൽ 356 റൺസ് അടിച്ചുകൂട്ടി. മറുപടിയിൽ 214 റൺസിന് ഇംഗ്ലണ്ട് കീഴടങ്ങി. 142 റൺസിന്റെ തകർപ്പൻ ജയത്തോടെ ഇന്ത്യ പരമ്പര 3-0ന് സ്വന്തമാക്കി.

ശുഭ്മൻ ഗില്ലിന്റെ സെഞ്ചറിയാണ് ഇന്ത്യയുടെ വിജയത്തിന് അടിസ്ഥാനം. 95 പന്തിൽ 112 റൺസ് നേടിയ ഗില്ലാണ് കളിയിലെ താരം. ശ്രേയസ് അയ്യർ (78), വിരാട് കോലി (52), കെ.എൽ. രാഹുൽ (40) എന്നിവർ ഇന്ത്യയ്ക്ക് കരുത്തായി.ഇംഗ്ലണ്ടിനായി ടോം ബാന്റൻ (38), ഗുസ് അക്കിൻസൻ (38) എന്നിവർ തിളങ്ങിയെങ്കിലും തുടർച്ചയായ വിക്കറ്റ് നഷ്ടം അവരുടെ തോൽവിക്ക് വഴിയൊരുക്കി. ഇന്ത്യയ്ക്കായി അർഷ്ദീപ് സിങ്, ഹർഷിത് റാണ, അക്ഷർ പട്ടേൽ, ഹാർദിക് പാണ്ഡ്യ എന്നിവർ രണ്ട് വീതം വിക്കറ്റ് വീഴ്ത്തി.പരമ്പരയിലെ മുഴുവൻ മത്സരങ്ങളും തോറ്റ ഇംഗ്ലണ്ട് ‘വൈറ്റ് വാഷ്’ എന്ന നാണക്കേടുമായി മടങ്ങി.