സതേൺ കാലിഫോർണിയയിലെ ഏഴ് സിവിഎസ് ഫാർമസികളിൽ പണിമുടക്ക്: ശമ്പളവും ഹെൽത്കെയർ ആനുകൂല്യങ്ങളും ആവശ്യപ്പെട്ട് ജീവനക്കാരുടെ സമരം
ലോസ് ഏഞ്ചൽസ്: സതേൺ കാലിഫോർണിയയിലെ ഏഴ് സിവിഎസ് ഫാർമസികളിലെ ജീവനക്കാർ മെച്ചപ്പെട്ട ശമ്പളവും ഹെൽത്കെയർ ആനുകൂല്യങ്ങളും ആവശ്യപ്പെട്ട് പണിമുടക്കിൽ. കമ്പനി പ്രയോഗിക്കുന്ന മോശം കരാർ വ്യവസ്ഥകൾക്കെതിരെയാണ് ജീവനക്കാർ സമരത്തിന്റെ ബാനറുകൊണ്ട് പ്രതിഷേധിക്കുന്നത്. ലോസ് ഏഞ്ചൽസിലെ നാല് സ്റ്റോറുകളും ഓറഞ്ച് കൗണ്ടിയിലെ മൂന്ന് സ്റ്റോറുകളും പണിമുടക്കിന്റെ ഭാഗമായി അടഞ്ഞ നിലയിലാണ്.
വെള്ളിയാഴ്ച രാവിലെ ആരംഭിച്ച സമരം വാരാന്ത്യത്തിലും തുടർന്നു. ശനിയാഴ്ച, ലോസാഞ്ചലസിലെ ഒരു സ്റ്റോറിന് പുറത്ത് പിക്കറ്റ് ലൈനിൽ നിന്ന സമരക്കാർ ഉപഭോക്താക്കളോട് പിക്കറ്റ് ലൈനുകൾ മറികടക്കരുതെന്ന് അഭ്യർത്ഥിച്ചു.
“കമ്പനി തൊഴിലാളികളെ ഭീഷണിപ്പെടുത്തുകയും നിരീക്ഷിക്കുകയും യൂണിയൻ പ്രതിനിധികളോട് സംസാരിക്കുന്നതിന് തടസ്സം സൃഷ്ടിക്കുകയും ചെയ്യുന്നു,” എന്നുള്ളത് സമരം ചെയ്യുന്ന ഫാർമസി ടെക്നീഷ്യൻ മെലിസ അക്കോസ്റ്റയുടെ ആരോപണമായിരുന്നു.
സമരം ബുധനാഴ്ച്ച ചർച്ചകൾ പുനരാരംഭിക്കുന്നതുവരെ തുടരാനാണ് തൊഴിലാളികളുടെ പദ്ധതി. സെപ്തംബർ 29-ന് നടന്ന വോട്ടെടുപ്പിലൂടെ, 90% ജീവനക്കാരും സമരത്തിന് അനുകൂലമായി യുണൈറ്റഡ് ഫുഡ് ആൻഡ് കൊമേഴ്‌സ്യൽ വർക്കേഴ്‌സ് യൂണിയനുകൾക്ക് അനുമതി നൽകിയിരുന്നു.
