” സാമൂഹ്യ ഉൾക്കൊള്ളലിന്റെ സന്ദേശം പ്രചരിപ്പിച്ച് ഇൻക്ലൂസീവ് ഇന്ത്യയുടെ ജൈത്രയാത്ര തുടരുന്നു”

തിരുവന്തപുരം: ഡിഫറന്റ് ആർട്ട് സെന്റർ (ഡിഎസി) സാമൂഹ്യ നീതി മന്ത്രാലയത്തിന്റെ ശാക്തീകരണ വകുപ്പിന്റെ (ദിവ്യാംജന) സഹകരണത്തോടെ ആരംഭിച്ച അഞ്ചാം പതിപ്പ് ഇൻക്ലൂസീവ് ഇന്ത്യ ട്രാവൽ ക്യാംപയിൻ, ഒക്ടോബർ 6-ന് കന്യാകുമാരിയിൽ നിന്നും യാത്ര തുടങ്ങി. ഈ യാത്ര ഡിസംബർ 3-ന് ലോക പ്രതിബന്ധിത ദിനത്തിൽ കശ്മീരിൽ സമാപിക്കും.

സാമൂഹത്തിൽ ഭിന്നശേഷിക്കാരോടുള്ള നിലപാട് മാറ്റുകയും, സമത്വമുളള നീതി ഉറപ്പാക്കുകയും ചെയ്യുന്ന സന്ദേശം പ്രചരിപ്പിക്കുക എന്നതാണ് ഈ യാത്രയുടെ പ്രധാന ലക്ഷ്യം. ഡിഫറന്റ് ആർട്ട് സെന്ററിന്റെ എക്‌സിക്യൂട്ടീവ് ഡയറക്ടർ ഗോപിനാഥ് മുതുകാട്, ഇൻക്ലൂസീവ് ഇന്ത്യ ഭാരത് യാത്ര നയിക്കുന്നു. ഇതിന് മുമ്പും ഡിഎസി മഹാത്മാ ഗാന്ധിയുടെ സാമൂഹിക സന്ദേശങ്ങൾ പ്രചരിപ്പിക്കാൻ 4 യാത്രകൾ നടത്തിയത് ശ്രദ്ധേയമാണ്.

ഇന്ത്യയിലെ 40-ഓളം കേന്ദ്രങ്ങളിൽ ഏകദേശം ഒന്നര മണിക്കൂർ നീണ്ട സാമൂഹിക ഉണർവ്വ് പരിപാടികൾ സംഘടിപ്പിക്കും. ഈയാത്രയിൽ മാജിക് ഷോകൾ ഉൾപ്പെടെ വിവിധ പരിപാടികൾ അരങ്ങേറും.

കേരളത്തിൽ യാത്രയുടെ ഔദ്യോഗിക ഉദ്‌ഘാടനം
സെപ്റ്റംബർ 22-ന്, യാത്രയുടെ സംസ്ഥാനതല പരിപാടി തിരുവനന്തപുരത്തെ കഴക്കൂട്ടം ഡിഎസി ക്യാമ്പസിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു അധ്യക്ഷയായി. പാരാലിമ്പ്യൻ പദ്മശ്രീ ബോണിഫേസ് പ്രഭുവിനെ ചടങ്ങിൽ ആദരിച്ചു.

ഡിസംബർ 3-ന് കശ്മീരിൽ സമാപിക്കുന്ന യാത്രയിലൂടെ, സമൂഹത്തിന്റെ ഭിന്നശേഷിക്കാരോട് കരുതലും സ്നേഹവും തോന്നിക്കുന്ന പുതുചിന്താഗതി പ്രചരിപ്പിക്കുക എന്നതാണ് ലക്ഷ്യം.