ഫ്രാൻസിസ് മാർപാപ്പയുടെ സംസ്‌കാരം ശനിയാഴ്ച രാവിലെ 10ന്; മേരി മേജർ ബസിലിക്കയിലാണ് അന്ത്യവിശ്രമം
വത്തിക്കാൻ സിറ്റി: ആഗോള കത്തോലിക്കാ സഭയുടെ തലവനായ ഫ്രാൻസിസ് മാർപാപ്പയുടെ ശവസംസ്‌കാരം ശനിയാഴ്ച രാവിലെ 10 മണിക്ക് നടക്കുമെന്ന് വത്തിക്കാന്റെ ഔദ്യോഗിക അറിയിപ്പ്. റോയിറ്റേഴ്സ് ആണ് ഇതുസംബന്ധിച്ച ഔദ്യോഗിക സ്ഥിരീകരണം റിപ്പോർട്ട് ചെയ്തത്.
സെന്റ് പീറ്റേഴ്സ് സ്‌ക്വയറിൽ വെച്ചായിരിക്കും സംസ്‌കാര ചടങ്ങ്. കോളേജ് ഓഫ് കാർഡിനൽസ് ഡീൻ, കര്‍ദ്ദിനാള്‍ ജിയോവന്നി ബാറ്റിസ്റ്റ റീ, ചടങ്ങിന് നേതൃത്വം നൽകും. പൊതുദർശനത്തിന് സെന്റ് പീറ്റേഴ്സ് ബസിലിക്ക നാളെ മുതൽ തുറക്കുമെന്ന് അധികൃതർ അറിയിച്ചു.
സംസ്‌കാര ചടങ്ങുകൾ പൂര്‍ത്തിയായതിന് ശേഷം, മാർപാപ്പയുടെ ദേഹത്തെ സാന്താ മരിയ മാഗിയോർ ബസിലിക്കയിലേക്ക് മാറ്റും. മാർപാപ്പയുടെ വ്യക്തിപരമായ ആഗ്രഹപ്രകാരം, മേരി മേജർ ബസിലിക്കയിലെ പൗളിൻ ചാപ്പലിനും ഫോർസ് ചാപ്പലിനും ഇടയിലാണ് അന്ത്യവിശ്രമം ഒരുക്കുന്നത്.
മുൻ മാർപാപ്പമാരുടെ ഭൂരിപക്ഷം വത്തിക്കാനിലെ സെന്റ് പീറ്റേഴ്സ് ബസിലിക്കയിലാണ് സംസ്‌കൃതനായത് എന്നത് ശ്രദ്ധേയമാണ്. എന്നാൽ ഫ്രാൻസിസ് പാപ്പയുടെ ഇച്ഛ പ്രകാരം ഇത്തവണ വ്യത്യസ്തമായാണ് സംസ്‌കാരക്രമം.
അതേസമയം, ഫ്രാൻസിസ് മാർപാപ്പയുടെ മരണമെത്തിയതിന്റെ ഔദ്യോഗികത തെളിയിക്കുന്ന ചിത്രം വത്തിക്കാൻ പുറത്ത് വിട്ടു. കാസ സാന്താ മാർട്ടയിലെ ചാപ്പലിൽ നടന്ന മരണ സ്ഥിരീകരണ ചടങ്ങിനിടെ പകര്‍ത്തിയ ചിത്രങ്ങളാണ് ഇതിലുൾപ്പെട്ടത്. തുറന്ന ശവപ്പെട്ടിയിൽ കിടക്കുന്ന മാർപാപ്പയുടെ ദൃശ്യങ്ങൾ ലോകമാകെ ദുഃഖത്തിന്റെയും അനുസ്മരണത്തിന്റെയും ചിഹ്നമായി മാറുകയാണ്.
