ഹൂസ്റ്റൺ റാന്നി അസോസിയേഷനിൽ പുതിയ നേതൃത്വം നിലവിൽ

ഹൂസ്റ്റൺ : ടെക്സസിലെ ഹൂസ്റ്റണിൽ സജീവമായി പ്രവർത്തിച്ചുവരുന്ന ഹൂസ്റ്റൺ റാന്നി അസോസിയേഷൻ (എച്ച്ആർഎ) 2025-26 കാലയളവിലേക്കുള്ള പുതിയ ഭാരവാഹികളെ തെരഞ്ഞെടുത്തു. ഏപ്രിൽ 27-ന് മിസോറി സിറ്റിയിലെ കിറ്റി ഹോളോ പാർക്കിൽ നടന്ന സ്പ്രിങ് പിക്‌നിക്കിനോടനുബന്ധിച്ച് ചേർന്ന പൊതുയോഗത്തിലാണ് പുതിയ നേതൃത്വം തിരഞ്ഞെടുക്കപ്പെട്ടത്.

പ്രസിഡന്റായി ബിജു സഖറിയ കളരിക്കമുറി തെരഞ്ഞെടുക്കപ്പെട്ടു. നിരവധി വർഷങ്ങളായി സംഘടനയിൽ വിവിധ ചുമതലകൾ വഹിച്ചിട്ടുള്ള വ്യക്തിയാണ് അദ്ദേഹം. ഉപരക്ഷാധികാരിയായി ജോയ് മണ്ണിൽ പൊതുയോഗത്തിൽ പ്രവർത്തിച്ചു. ചടങ്ങിൽ പ്രസിഡന്റ് ബാബു കൂടത്തിനാൽ അധ്യക്ഷനായി. സ്വാഗതം സെക്രട്ടറി ബിനു സഖറിയയും നന്ദി ട്രഷറർ ജിൻസ് മാത്യു കിഴക്കേതിലും പറഞ്ഞു.

റാന്നി എംഎൽഎ പ്രമോദ് നാരായൺ രക്ഷാധികാരിയായുള്ള സംഘടനയുടെ ഉപരക്ഷാധികാരികളായി ഫാ. ജെക്കു സഖറിയ, ജീമോൻ റാന്നി, ജോയി മണ്ണിൽ, ബാബു കൂടത്തിനാൽ എന്നിവർ സേവനമനുഷ്ഠിക്കുന്നു.

ജനറൽ സെക്രട്ടറിയായി വിനോദ് ചെറിയാനെയും സെക്രട്ടറിയായി ബാബു കലീനയെയും ട്രഷററായി ബിനു സഖറിയയെയും തെരഞ്ഞെടുത്തു. വൈസ് പ്രസിഡന്റുമാരായി ജിൻസ് മാത്യു കിഴക്കേതിൽ, റോയി തീയാടിക്കൽ, മാത്യൂസ് ചാണ്ടപ്പിള്ള, എബ്രഹാം ജോസഫ് (ജോസ് പ്ലാമ്മൂട്ടിൽ), സി.ജി. ഡാനിയേൽ, ഷിജു തച്ചനാലിൽ എന്നിവർ തിരഞ്ഞെടുക്കപ്പെട്ടു.

വനിതാ ഫോറം സെക്രട്ടറിമാരായി റീനാ സജി, ഷീജാ ജോസ്, മറിയാമ്മ ജോൺ (ലീലാമ്മ) എന്നിവരും ജോയിന്റ് ട്രഷററായി സ്റ്റീഫൻ ടി. ഏബ്രഹാമും യൂത്ത് കോഓർഡിനേറ്ററായി ജെഫിൻ രാജുവും dipahടവഹിച്ചു. എക്സിക്യൂട്ടീവ് കമ്മിറ്റിയിലേയ്ക്ക് സജി ഇലഞ്ഞിക്കൽ, മിന്നി ജോസഫ്, അലക്സ് ളാഹയിൽ, ജോൺ തോമസ് (രാജു), ബിജു തച്ചനാലിൽ, ഈശോ തേവർവേലിൽ (സണ്ണി), രാജു കെ. നൈനാൻ, ജൈജു കുരുവിള എന്നിവരും തെരഞ്ഞെടുത്തു.

ഹൂസ്റ്റണിലെ സാമൂഹ്യ സാംസ്‌കാരിക രംഗത്ത് സംഘടനയുടെ പ്രവർത്തനം ശ്രദ്ധേയമാണ്. പുതിയ നേതൃത്വത്തിന്റെ ആഭിമുഖ്യത്തിൽ സംഘടനയ്ക്ക് മുന്നേറ്റങ്ങളുണ്ടാകുമെന്ന് അംഗങ്ങൾ പ്രതീക്ഷ പ്രകടിപ്പിച്ചു.