ആണവായുധം നിർമിക്കാൻ ഇനി ഇറാന് ശേഷിയില്ല: അമേരിക്കൻ ഭരണകൂടം

വാഷിങ്ടൺ : ഇറാന്റെ ആണവായുധ പദ്ധതി ഇനി നടപ്പാവില്ലെന്ന് അമേരിക്കൻ ഭരണകൂടം. യുഎസിന്റെ ശക്തമായ ആക്രമണത്തിൽ ഇറാന്റെ അടിസ്ഥാന സൗകര്യങ്ങൾ നശിച്ചതിനാലാണ് ഈ അവസ്ഥ. ഇറാൻ അതിസൂക്ഷ്മമായി ആണവായുധ നിർമ്മാണത്തിലേക്ക് നീങ്ങുകയായിരുന്നുവെങ്കിലും, അതിന്റെ മുഴുവൻ സംവിധാനവും നശിപ്പിച്ചുവെന്ന് യുഎസ് വൈസ് പ്രസിഡന്റ് ജെ.ഡി. വാൻസ് വ്യക്തമാക്കി.

ഇസ്രയേലും ഇറാനും വെടിനിർത്തലിന് സമ്മതിച്ചതിനു പിന്നാലെയാണ് വാൻസ് ഇക്കാര്യം വ്യക്തമാക്കിയിരിക്കുന്നത്. ഇറാൻ ഇനി ആണവായുധ നിർമ്മാണത്തിൽ തിരികെ വരില്ലെന്ന കാര്യത്തിൽ അമേരിക്ക ഉറപ്പാണ്. ഭാവിയിൽ ആണവശേഷി പുനർനിർമ്മിക്കാൻ ഇറാൻ ശ്രമിച്ചാലും, അതും തടയുമെന്ന് അദ്ദേഹം പറഞ്ഞു.

ഇസ്രയേല്‍ ഇറാന്റെ ആണവപദ്ധതിയോട് നേരിട്ട് പോരാടിയതായും, അതിൽ വിജയിക്കുകയും ചെയ്തതായും അദ്ദേഹം കൂട്ടിച്ചേർത്തു. ഇറാന്റെ മിസൈൽ ശേഷിയും തകർന്നതായും പറയുന്നു.

“ഇറാനെക്കുറിച്ചുള്ള യാഥാർത്ഥ്യം എല്ലാവർക്കും ഇനി വ്യക്തമായിരിക്കണം. ഭീകരസംഘടനകളെ സഹായിക്കുന്നതിന്റെയും ആണവായുധം ഉണ്ടാക്കാനുള്ള ശ്രമത്തിന്റെയും പുറംതുടച്ച ഈ രാഷ്ട്രം യുദ്ധത്തിൽ മികച്ചതല്ലെന്നത് ഇപ്രാവശ്യമാണ് തെളിയിച്ചത്,” വാൻസ് പറഞ്ഞു.

പ്രസിഡന്റ് ട്രംപിന്റെ ശ്രമങ്ങൾക്കു മുൻഗണന നൽകിയാണ് യുഎഇയുടെ പ്രതികരണവും. മേഖലയിൽ ദീർഘകാല സമാധാനത്തിന് ഇത് വഴിയൊരുക്കും എന്നാണ് അവകാശപ്പെടുന്നത്. “ഈ 12 ദിവസങ്ങൾ മേഖലയുടെ പുതിയ തുടക്കം ആണെന്ന് വിശ്വസിക്കാം. ട്രംപ് ശരിക്കും ‘റീസെറ്റ് ബട്ടൺ’ അമർത്തിയതായാണ് ഞാൻ കരുതുന്നത്,” വാൻസ് വ്യക്തമാക്കി.