എൻ.ആർ.ഐദേശീയ കൗൺസിൽ – പെൻഷൻ ഹോൾഡേഴ്സ് സംസ്ഥാന തെരഞ്ഞെടുപ്പുകൾ ഫെബ്രുവരി 14 ന്
കൊച്ചി : പ്രവാസി സമൂഹത്തിന്റെ കേന്ദ്രീയ സംഘടനയായ പ്രവാസീസ് ആന്റ് റിട്ടേണീസ് കോ-ഓർഡിനേഷൻ കൗൺസിലി (എൻ.ആർ.ഐ. കൗൺസിൽ ഓഫ് ഇന്ത്യ ) ന്റെ ദേശീയ കൗൺസിലിന്റേയും പ്രവാസി പെൻഷൻകാരുടെ ഏക സംഘടനയായ പ്രവാസി പെൻഷൻ ഹോൾഡേഴ്സ് അസ്സോസിയേഷൻ സംസ്ഥാന കൗൺസിലിന്റേയും തെരഞ്ഞെടുപ്പുകൾ ഫെബ്രുവരി 14-ാം തീയതി ശനിയാഴ്ച ഉച്ചയ്ക്ക് ശേഷം 2-30 ന് എറണാകുളം ഭാരത് ടൂറിസ്റ്റ് ഹോം ഹാളിൽ നടക്കും.
തെരഞ്ഞെടുപ്പിന് മുൻപ് നടക്കുന്ന പ്രവർത്തക യോഗം കൊച്ചി നഗരസഭ പൊതുമരാമത്ത് സ്റ്റാൻറിംഗ് കൗൺസിൽ ചെയർമാൻ ടി.കെ. അഷ്റഫ് ഉദ്ഘാടനം ചെയ്യും. എൻ.ആർ.ഐ കൗൺസിൽ ഒമാൻ ചാപ്റ്റർ ചെയർമാൻ അബാബിൽ റാഫി പ്രവർത്തകരെ അഭിസംബോധന ചെയ്യും. ദേശീയ (സെൻട്രൽ ) ചെയർമാൻ പ്രവാസിബന്ധു ഡോ. എസ്. അഹമ്മദ് അദ്ധ്യക്ഷത വഹിക്കും. എൻ.ആർ.ഐ. കൗൺസിൽ യു.എസ്.എ.ചെയർമാൻ പോൾ കറുകപ്പിള്ളിൽ മുഖ്യ പ്രഭാഷണം നടത്തുo . പത്ര- സാമൂഹ്യ പ്രവർത്തകൻ കെ.എം. നാസർ കൊച്ചി ( ചന്ദ്രിക ) തെരഞ്ഞെടുപ്പു വരണാധികാരിയായി സെൻട്രൽ കമ്മിറ്റി നിയോഗിച്ചു.
