എറണാകുളം: പ്രവാസി പെൻഷൻ ഗുണഭോക്താകളുടെ കേരളത്തിലെ ഏക സംഘടനയായ പ്രവാസി പെൻഷൻ ഹോൾഡേഴ്സ് അസ്സോസിയേഷന്റെ പുതിയ സംസ്ഥാന ഭരണ സമിതിയെ തിരഞ്ഞെടുത്തു.എറണാകുളം ഡർബാർ ഹാൾ റോഡിൽ ഭാരത് ടൂറിസ്റ്റ് ഹോം ഹാളിൽ ഇക്കഴിഞ്ഞ ദിവസം( ഫെബ്രു: 14} ശനിയാഴ്ച വൈകിട്ട് സംഘടനയുടെ സ്ഥാപകനും എൻ.ആർ.ഐ. കൗൺസിൽ ഓഫ് ഇന്ത്യാ സെൻട്രൽ കമ്മിറ്റി ചെയർമാനമായ പ്രവാസി ബന്ധു ഡോ. എസ്. അഹമ്മദിന്റെ അദ്ധ്യക്ഷതയിൽ നടന്ന പ്രവർത്തക കൺവെൻഷൻ കൊച്ചി നഗരസഭ മരാമത്ത് സ്റ്റാന്റിംഗ് കമ്മിറ്റി ചെയർമാർ ടി.കെ. അഷ്റഫ് ഉദ്ഘാടനം ചെയ്തു.
എൻ.ആർ.ഐ കൗൺസിൽ ഓഫ് ഇന്ത്യ ദേശീയ (സെൻട്രൽ ) ചെയർമാൻ പ്രവാസി ബന്ധു ഡോ.എസ്. അഹമ്മദ് അദ്ധ്യക്ഷത വഹിച്ചു.
അമേരിക്കൻ പ്രവാസി മലയാളികളും എൻ.ആർ.ഐ കൗൺസിൽ ഓഫ് ഇന്ത്യ യു.എസ് എ നേതാക്കളുമായ പോൾ കറുകപ്പിള്ളിൽ, ലീല മാരിയോട്ട് , സീനിയർ വൈസ് ചെയർമാൻ സത്താർ ആവിക്കര, തമിഴ് നാട് ചെയർമാൻ രഞ്ജിത് മുല്ലമഠം ചെന്നൈ, ഒമാൻ ചെയർമാനും ചലച്ചിത്ര താരവുമായ അബാബീൽ റാഫി, ചന്ദ്രിക ദിനപത്രം പത്രാധിപസമിതി അംഗം കെ.എം. നാസർ കൊച്ചി എന്നിവർ പ്രസംഗിച്ചു. റഷീദ് മാസ്റ്റർ കോഴിക്കോട് സ്വാഗതവും ടി.എം ഷാഫി കൊടുങ്ങല്ലൂർ നന്ദിയും പറഞ്ഞു.
കേരളത്തിൽ സമകാലീന പ്രശ്നങ്ങളിൽ ഏറ്റവും പ്രധാനപ്പെട്ട വിഷയം മടങ്ങി യെത്തിയ പ്രവാസികളുടെ പുനരധിവാസ പദ്ധതിയാണെന്നും സർക്കാരിന്റെ
പ്രഖ്യാപിത നയങ്ങളൊന്നും പ്രവാസികളുടെ ക്ഷേമത്തിന് കാതലായ പരിരക്ഷ നൽകുന്നതല്ലെന്നും ഉദ്ഘാടന പ്രസംഗത്തിൽ അഷ്റഫ് പ്രസ്താവിച്ചു.
പ്രവാസികൾ സംഘടിച്ചു തുടങ്ങിയപ്പോൾ അവരവരുടെ രാഷ്ട്രീയ പാർട്ടികളുടെ കീഴിൽ പ്രവാസി സംഘടനകൾക്ക് രൂപം നൽകി പ്രവാസികളെ വോട്ടറന്മാരാക്കാനും പാർട്ടി അനുചരന്മാരാക്കാനും ശ്രമിച്ച നടപടികൾ ഇന്നു പാഴ്മരങ്ങളായി മാറി. അവരുടെ സ്വന്തമായ ഒരു പ്രവാസിക്കു പോലും ഒരു പ്രയോചനവും ഉണ്ടായില്ലെന്നും നിരാശരായ പ്രവാസികൾ പടിയിറങ്ങി വർഷങ്ങളായി തങ്ങളുടെ കൂടെയാണെന്നു അദ്ധ്യക്ഷ പ്രസംഗത്തിൽ ഡോ.എസ്. അഹമ്മദ് വ്യക്തമാക്കി.
