ഫെബ്രുവരിയില് 23% വളര്ച്ച രേഖപ്പെടുത്തി നിസാന്, ഗ്രാവൈറ്റിന്റെ ഡെലിവറി ആരംഭിച്ചു.
കൊച്ചി : നിസാന് മോട്ടോര് ഇന്ത്യ പ്രൈവറ്റ് ലിമിറ്റഡ് 2026 ഫെബ്രുവരിയില് 10,565 യൂണിറ്റിലധികം സംയോജിത വില്പ്പന നടത്തി. ആഭ്യന്തര വിപണിയില് 2,230 യൂണിറ്റുകളും കയറ്റുമതി 8,335 യൂണിറ്റുകളുമായി വില്പ്പന ഉയര്ന്നു. മാര്ച്ച് 1 മുതല് രാജ്യത്തുടനീളം നിസാന് ഗ്രാവൈറ്റിന്റെ ഉപഭോക്തൃ ഡെലിവറികള് ആരംഭിച്ചു.
വിപണിയില് നിന്നുള്ള മികച്ച പ്രതികരണത്തിനും വിവിധ പ്രദേശങ്ങളിലെ ശക്തമായ ബുക്കിംഗ് വേഗതയ്ക്കും ശേഷം, ഫെബ്രുവരിയില് പുതിയ നിസാന് ഗ്രാവൈറ്റിന്റെ ലോഞ്ച് ഒരു സുപ്രധാന നാഴികക്കല്ലാണ് അടയാളപ്പെടുത്തിയത്. ഡെലിവറി ആരംഭിച്ചതിലൂടെ നിസാൻ ഇന്ത്യയിലെ അടുത്ത വളര്ച്ചാ അധ്യായത്തിന് തുടക്കമിട്ടു.
ഞങ്ങളുടെ പോര്ട്ട്ഫോളിയോയുടെ യഥാര്ത്ഥ ചലനാത്മകത വരും മാസങ്ങളിൽ വിപണിയില് പ്രതിഫലിപ്പിക്കുമെന്ന് ഉറപ്പുണ്ട്. സുസ്ഥിര വളര്ച്ച, മെച്ചപ്പെട്ട ഉപഭോക്തൃ സേവനം, നെറ്റ്വർക്ക് ശക്തിപ്പെടുത്തല് എന്നിവയില് ഞങ്ങൾ ശ്രദ്ധ കേന്ദ്രീകരിക്കുമെന്ന് നിസാന് മോട്ടോര് ഇന്ത്യ എം.ഡി . സൗരഭ് വത്സ പറഞ്ഞു.
നിസാന് മാഗ്നൈറ്റിന്റെ തുടര്ച്ചയായ വളർച്ച, ഗ്രാവൈറ്റിനോടുള്ള മികച്ച പ്രതികരണം എന്നിവയിലൂടെ ആഭ്യന്തര, അന്തര്ദേശീയ വിപണികളില് സ്ഥാനം കൂടുതല് ശക്തിപ്പെടുത്തുന്നതിൽ നിസാന് ശ്രദ്ധ കേന്ദ്രീകരിക്കുന്നു.
