അസറ്റ് ഹോംസ് ‘ഫെയറി ലൈറ്റ്സ്’ അലങ്കാരമത്സരം: തൃശൂര് ശോഭ സിറ്റിക്ക് ഒന്നാം സ്ഥാനം മൊത്തം 2.25 ലക്ഷം രൂപയുടെ ക്യാഷ് അവാര്ഡുകള് വിതരണം ചെയ്തു
പ്രമുഖ ബില്ഡറായ അസറ്റ് ഹോംസ്, ക്രിസ്തുമസ്-പുതുവത്സര സീസണ് പ്രമാണിച്ച് അപ്പാര്ട്ടുമെന്റുകളിലെയും വില്ലകളിലെയും പൊതുപൂമുഖങ്ങള്ക്കായി സംഘടിപ്പിച്ച ‘ഫെയറി ലൈറ്റ്സ്’ ഡെക്കോര് മത്സരത്തില് തൃശൂര് ശോഭ സിറ്റി ഒന്നാം സ്ഥാനം നേടി. അസറ്റ് ഹോംസ് മാനേജിംഗ് ഡയറക്ടര് സുനില് കുമാര് വി. പുരസ്കാരങ്ങള് വിതരണം ചെയ്തു. ഒന്നാം സ്ഥാനം നേടിയ ശോഭ സിറ്റിക്കു വേണ്ടി നന്ദകുമാര്, ബിജു ഒല്ലൂക്കാരന്, ജിസ്മ ബിജു എന്നിവര് ചേര്ന്ന് ഒന്നാം സമ്മാനമായ ഒരു ലക്ഷം രൂപ ക്യാഷ് അവാര്ഡ് ഏറ്റുവാങ്ങി. സംസ്ഥാനത്തിന്റെ വിവിധ ഭാഗങ്ങളില് നിന്നുള്ള 145-ഓളം ഫ്ളാറ്റ്-വില്ല അസോസിയേഷനുകള് പങ്കെടുത്ത മത്സരത്തില്, തൃശൂരിലെ സ്കൈലൈന് അവന്യൂ സ്വീറ്റ്സ് രണ്ടാം സ്ഥാനവും (50,000 രൂപ) കാലിക്കറ്റ് ഹൈലൈറ്റ് മെട്രോമാക്സ് മൂന്നാം സ്ഥാനവും (25,000 രൂപ) നേടി.
മികച്ച പ്രകടനം കാഴ്ചവെച്ച പത്ത് ടീമുകള്ക്ക് 5,000 രൂപ വീതം പ്രോത്സാഹന സമ്മാനങ്ങളും നല്കി. കൊല്ലം അസറ്റ് ഗ്രാന്റിയോസ് സാന്ഫോര്ഡ്, കൊച്ചി അസറ്റ് ആല്പൈന് ഓക്സ്, തൃശൂര് അസറ്റ് പ്രെഷ്യസ്സ്, കൊച്ചി സ്കൈലൈന് സിറ്റി പാര്ക്ക്, പാലക്കാട് ബില്ടെക്ക് പവലിയന്, തിരുവനന്തപുരം വിന്ഡ്ബ്രൂക്ക് പ്ലേസ്, കൊച്ചി കെന്റ് ഓക്ക് വില്ല, കൊച്ചി നന്മ ഫെനിക്സ് അപ്പാര്ട്ടുമെന്റ്സ്, കൊച്ചി ലോട്ടസ് പാലക്കാട്ടില് ഹാബിറ്റാറ്റ്, തിരുവനന്തപുരം ട്രാവന്കൂര് മെറിഡിയന് എന്നിവരാണ് പ്രോത്സാഹന സമ്മാനങ്ങള് നേടിയത്. മൊത്തം 2.25 ലക്ഷം രൂപയുടെ ക്യാഷ് അവാര്ഡുകള് വിതരണം ചെയ്തു.
