യുഎസ്-ഇറാൻ ചർച്ച പരാജയം: ആണവായുധ വിഷയത്തിൽ ഉടമ്പടിയില്ല.

വാഷിംഗ്‌ടൺ ഡി സി/ഇസ്ലാമാബാദ്: ഇറാനുമായുള്ള യുഎസ് വൈസ് പ്രസിഡന്റ് ജെ.ഡി. വാൻസിന്റെ നിർണ്ണായക ചർച്ചകൾ പരാജയപ്പെട്ടു. ഏഴ് ആഴ്ചയായി തുടരുന്ന യുദ്ധം അവസാനിപ്പിക്കാനുള്ള ലക്ഷ്യത്തോടെ പാകിസ്ഥാനിൽ നടന്ന മാരത്തോൺ ചർച്ചകൾക്കൊടുവിൽ കരാറിലെത്താൻ ഇരുപക്ഷത്തിനും സാധിച്ചില്ല.

ആണവായുധങ്ങൾ വികസിപ്പിക്കില്ലെന്ന് ഉറപ്പുനൽകാൻ ഇറാൻ തയ്യാറാകാത്തതാണ് ചർച്ചകൾ വഴിമുട്ടാൻ കാരണമെന്ന് ജെ.ഡി. വാൻസ് പറഞ്ഞു. 

അമേരിക്ക മുന്നോട്ടുവെച്ച നിബന്ധനകൾ ഇറാൻ തള്ളുകയായിരുന്നു. സമാധാന ചർച്ചകൾ പരാജയപ്പെട്ടതോടെ, വരും ദിവസങ്ങളിൽ ഇറാനെതിരെയുള്ള സൈനിക നീക്കം അമേരിക്ക ശക്തമാക്കിയേക്കുമെന്ന ആശങ്ക നിലനിൽക്കുന്നുണ്ട്. 1979-ലെ ഇസ്‌ലാമിക വിപ്ലവത്തിന് ശേഷം ഇറാനും അമേരിക്കയും തമ്മിൽ നടന്ന ഏറ്റവും ഉയർന്ന തലത്തിലുള്ള കൂടിക്കാഴ്ചയായിരുന്നു ഇത്.

പി പി ചെറിയാൻ