ചിക്കാഗോ ആസ്ഥാനമായി പ്രവർത്തിക്കുന്ന ഇന്ത്യൻ കമ്മ്യൂണിക്കേഷൻസ് സ്ട്രാറ്റജിസ്റ്റ് അഭിജീത് ദിപ്കെ തുടക്കമിട്ട ‘കോക്രോച്ച് ജനതാ പാർട്ടി’ഇന്ത്യൻ യുവാക്കൾക്കിടയിൽ തരംഗമായി.
ചിക്കാഗോ: ചിക്കാഗോ ആസ്ഥാനമായി പ്രവർത്തിക്കുന്ന ഇന്ത്യൻ കമ്മ്യൂണിക്കേഷൻസ് സ്ട്രാറ്റജിസ്റ്റ് അഭിജീത് ദിപ്കെ തുടക്കമിട്ട സോഷ്യൽ മീഡിയ കാമ്പയിൻ ‘കോക്രോച്ച് ജനതാ പാർട്ടി’ ഇന്ത്യൻ യുവാക്കൾക്കിടയിൽ വൻ തരംഗമാകുന്നു. തൊഴിലില്ലായ്മയുള്ള യുവാക്കളെ സുപ്രീം കോടതി ചീഫ് ജസ്റ്റിസ് ‘പാറ്റകളോട്’ ഉപമിച്ചതിനെ പരിഹസിച്ചുകൊണ്ട് മെയ് മാസത്തിലാണ് ഈ വ്യാജ രാഷ്ട്രീയ പാർട്ടിക്ക് ദിപ്കെ രൂപം നൽകിയത്.
തമാശയായി തുടങ്ങിയ ഈ പേജിന് ദിവസങ്ങൾക്കകം ഇൻസ്റ്റാഗ്രാമിൽ 20 ദശലക്ഷത്തിലധികം ഫോളോവേഴ്സിനെയാണ് ലഭിച്ചത്. രാജ്യത്തെ തൊഴിലില്ലായ്മ, സാമ്പത്തിക പ്രതിസന്ധി എന്നിവയ്ക്കെതിരെയുള്ള യുവതലമുറയുടെ (Gen Z) പ്രതിഷേധമായാണ് ഈ കൂട്ടായ്മ വളരുന്നത്. എന്നാൽ, ഇതിന് പിന്നിൽ വിദേശ ശക്തികളും പാകിസ്താനുമാണെന്ന് ആരോപിച്ച് ബിജെപി ഉൾപ്പെടെയുള്ള ഭരണകക്ഷി നേതാക്കൾ രംഗത്തെത്തിയിട്ടുണ്ട്. വിദ്വേഷ പ്രചാരണങ്ങളെ തുടർന്ന് തന്റെ അക്കൗണ്ടുകൾ ഹാക്ക് ചെയ്യപ്പെട്ടതായും വധഭീഷണിയുണ്ടായതായും സ്ഥാപകൻ അഭിജീത് ദിപ്കെ വ്യക്തമാക്കി.
