അമേരിക്കൻ മലയാളി സമൂഹത്തിലെ പ്രമുഖ വ്യക്തിത്വം ജോർജ് വർഗീസ്(77) നിര്യാതനായി.
ന്യൂയോർക്ക് : അമേരിക്കൻ മലയാളി സമൂഹത്തിലെ സുപരിചിതനും ആദരണീയനുമായ ജോർജ് വർഗീസ് (77) അന്തരിച്ചു. 1948 ജൂലൈ 30-ന് ജനിച്ച അദ്ദേഹം 2026 ജൂൺ 7-നാണ് nനിര്യാതനായത് . കുടുംബാംഗങ്ങൾ, സുഹൃത്തുക്കൾ, സഹപ്രവർത്തകർ, സമൂഹത്തിലെ നിരവധി പേർ എന്നിവർ അദ്ദേഹത്തിന്റെ വിയോഗത്തിൽ അനുശോചനം രേഖപ്പെടുത്തി.
സമൂഹജീവിതത്തിലും വ്യക്തിബന്ധങ്ങളിലും മാതൃകാപരമായ സാന്നിധ്യമായിരുന്ന ജോർജ് വർഗീസ്, സ്നേഹവും സൗഹൃദവും സേവനമനോഭാവവും കൊണ്ട് നിരവധി പേരുടെ ഹൃദയങ്ങളിൽ സ്ഥാനം നേടിയ വ്യക്തിയായിരുന്നു. അദ്ദേഹത്തിന്റെ നിര്യാണം കുടുംബത്തിനും സുഹൃത്തുക്കൾക്കും അമേരിക്കൻ മലയാളി സമൂഹത്തിനും വലിയ നഷ്ടമായാണ് വിലയിരുത്തപ്പെടുന്നത്.
അദ്ദേഹത്തിന്റെ അനുസ്മരണ സമ്മേളനം ജൂൺ 14 ഞായറാഴ്ച വൈകിട്ട് 5 മണി മുതൽ 8 മണിവരെ ന്യൂയോർക്കിലെ വാലി സ്ട്രീമിലുള്ള ഗേറ്റ്വേ ക്രിസ്ത്യൻ സെന്ററിൽ നടക്കും. സംസ്കാര ശുശ്രൂഷകൾ ജൂൺ 15 തിങ്കളാഴ്ച രാവിലെ 9 മണി മുതൽ 10.30 വരെ അതേ ദേവാലയത്തിൽ നടത്തപ്പെടും.
“നല്ല പോരാട്ടം ഞാൻ പോരാടി, ഓട്ടം ഞാൻ തികച്ചു, വിശ്വാസം ഞാൻ കാത്തുസൂക്ഷിച്ചു” (2 തിമോത്തി 4:7) എന്ന വചനത്തെ ജീവിതസാക്ഷ്യമായി അവശേഷിപ്പിച്ച ജോർജ് വർഗീസിന്റെ ഓർമ്മകൾ കുടുംബാംഗങ്ങളുടെയും സുഹൃത്തുക്കളുടെയും ഹൃദയങ്ങളിൽ എന്നും നിലനിൽക്കും. അദ്ദേഹത്തിന്റെ ആത്മശാന്തിക്കായി വിവിധ ഇടങ്ങളിൽ പ്രത്യേക പ്രാർത്ഥനകളും അനുസ്മരണ പരിപാടികളും സംഘടിപ്പിക്കപ്പെടുന്നുണ്ട്.
